Latgolys stuostu “Cytaidi latviskais” maršrutā Aglyuna bejuse vairuokkuort, ari itūreiz raidejums byus Ciriša azara krostā, zemnīku saimisteibā ar aristokratisku nūsaukumu “Sollomina muiža”. Ībraucūt zemnīku sātā, tuos nūsaukums “Upenīte” ruodīs pošsaprūtams, na tik partū, ka kluotyn ir vasals hektars itūs gordūs ūgu kryumu, nu poša sāta, pogolms, kūšumkryumi, muorks ir sakūpts i zīdūšs, ka rūnās saleidzynuojums ar suleigu ūgu. Ite dzeivoj treis paaudzis, lela saime, kas uzjam gostus, kūp nūvoda tradicejis, pīduovoj iedīņus, kū pamatuoti sauc par “kulturys montuojumu”, cap maizi, taisa veinu, sīn sīru… Uzskaitejumu naturpynuosim, partū ka rakstnīks Valentins Lukaševics kūpā ar saimineicu Inesi Survilo, juos meitu Eriku, kungu Zīdūni, cytim lelim i mozim nu saimis sīs Latgolys sīru, kū lobpruot bauda na viņ Latgolā, nu ari Briselē i Sanktpīterburgā.