Laksteigolu solā nūtiks XV Tautys muzykantu svātki

Laksteigolu solā nūtiks XV Tautys muzykantu svātki

8. augustā Viļānūs, Laksteigolu solā, nūtiks XV Tautys muzykantu svātki, kas ir nūzeimeiguokais pasuokums Latvejis nūvodu muzykantim-vacmeistarim, kapelom, folklorys kūpu muzykantu grupom, tradicionaluos kulturys (eipaši muzykys) pietnīkim, specialistim i jaunīšu muzykantu grupom. Tys ir vīneigais pasuokums Latvejā, kurā pīsadola muzykanti – vacmeistari i muzykantu grupys nu vysaidu Latvejis, Lītovys i Igaunejis nūvodu i sovu muziciešonys pīredzi nūdūd jaunuokuos paaudzis muzykantim. 

Pīcpadsmit godūs svātku dalinīku skaits ir treiskuoršuojīs. Itūgod pasuokumā pīsadaleis 30 muzykanti – vacmeistari nu Latgolys, Vydzemis i Kūrzemis. Svātkūs uzastuos ari vairuoki desmiti kapelu, folklorys kūpu i muzykantu grupu nu vysaidu Latvejis, Lītovys i Igaunejis nūvodu, kai ari nu Boltkrīvejis, kas vys vēļ turpynoj muzicēt večerinkuos, zaļumbalūs, kuozuos i cytūs gūdūs.

Svātku programa

14.00-16.00 Akustiskī breivdobys koncerti pogostūs

  • Dekšuorēs (pi iedneicys)
  • Viļānu pog. Jaunviļānūs (daudzdzeivūkļu sātu pogolmā)
  • Sokolku pog. Strupļūs (estradē)

18.00 Svātku dyžais koncerts Laksteigolu solā (uorzemu muzykantu grupys nu Lītovys, Igaunejis, Boltkrīvejis)

20.00 Zaļumbals Laksteigolu solā  (muzicej vysi svātku dalinīki)

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]
Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]