Reigā nūtiks Latgolys dīna

Reigā nūtiks Latgolys dīna

15. augustā Reigys svātku laikā Latgolys Planavuošonys regions aicynoj apmeklēt Latgolys dīnu Reigā. Jau nu 10.00 da 19.00 Jākuba laukumā, Vacreigā, Latgolys dīnā Reigā byus Latgolys Tematiskūs cīmu programa ar ceļojūšū tiergu, omotnīku dorbuošonūs i meistarklasem, latgalīšu muzyku i daņčim.

Jau ūtrū godu piec kuortys Reigys svātku laikā pasuokuma apmaklātuoji varēs īsapazeit ar Latgolys ceļuojūšuo tierga dalinīkim i Latgolys tematiskajim cīmim: Vyšku omotnīku cīmu, Nuokūtnis ūzulu cīmu, Skaistuos Izabellys cīmu, Kotleru veina cīmu, Tierga cīmu, Muzykantu cīmu, Gūda saimineicu cīmu, Turku pierts cīmu, Raibuos pyuraluodis cīmu.

Apmaklātuojim byus vareiba īsaguoduot Latgolys lauku lobumus: smuordeigu, iz kļovu lopu captu malnū maizi, lauku sīvu sītu sātys sīru, vīteitu gali, sātys dasys i špeku, avīšu i upiņu sātys veinus, eistu lauku mīsteņu, marmeladus nu ūgu sulu, mada i voska izstruoduojumus, zuoļu čajus, zupu nu leluo saimis kotla i papyldus tam vysam –  baudeit vīsmīleigu i omuleigu jutūni kai Latgolā!

Jākuba laukumā varēs redzēt i pūdnīku dorbuošonūs ar muolu, audieju ausšonu stuovūs, i kaļva kaļšonu, kai ari īsaguoduot omota meistaru izstruoduojumus: tradicionalū Latgolys keramiku, vynumus, izšyvumus i cytus. Vysu dīnu dorbuosīs rodūšuos darbneicys tapuošonā, solmu leļu teišanā, “Zeiļuku” taiseišonā, burbuļu pyušonā, vaiņuku veišonā.

Tierga atraktivitati spylgtynuos latgalīšu volūdys, jautru tautys deju i muzykys kluotynbyutne. Skaistuos Izabellys cīma puorstuovu vadeibā varēs īsapazeit ar aprunuošonys muokslu, paraudzeit veiksmi dreizajūs latgalīšu volūdys kursūs i nūpeļneit kaidu bolvu. Byus vareiba īsapazeit ar turisma pīduovuojumu Latgolā. Prīcynuos kapela “Sābri” nu Muzykantu cīma Saļņovā i grupa “Velvets” nu Leivuona, kai ari deju kūpa “Vanagi” nu Vuorkovys nūvoda īvadeis apmaklātuojus tautu dejis sūlī. Pasuokuma nūslāguma daļā paradzāta sasadzīduošona ar kapelu “Sābri”.

Latgolys dīnu Reigā reikoj Latgolys planavuošonys regions sadarbeibā ar bīdreibu “Latgales Tematiskie ciemi” Norvegejis finanšu instrumenta leidzfinansietuos programys “Kapacitātes stiprināšana un institucionālā sadarbība starp Latvijas un Norvēģijas valsts institūcijām, vietējām un reģionālām iestādēm” projekta “Reģionālās politikas aktivitāšu īstenošana Latvijā un reģionālās attīstības pasākumu izstrāde” ītvorūs.

Print Friendly, PDF & Email

Komentari

  1. Broņislava Dzene

    Vai tiešām tas bija jārīko Aglonas svētku dienā?

Kalenders

Feb
26
Pyr
all-day Izstuode “Māla gravitācija” @ Daugovpiļs Nūvodpietnīceibys i muokslys muzejs
Izstuode “Māla gravitācija” @ Daugovpiļs Nūvodpietnīceibys i muokslys muzejs
Feb 26 all-day
Itūgod palyka 105 godi kai dzims izcylais keramiks Stanislavs Vylcāns. Aktualizejūt S. Vylcāna jubileju i juo nūzeimeigū davumu Latgolys keramikys tradiceju saglobuošonā, Daugovpiļs Nūvodpietnīceibys i muokslys muzejs aicynoj baudeit izstuodi “Māla gravitācija”, kuruos atkluošona nūtiks[...]
13:00 Silvai Linartei veļteitys izstuo... @ Daugovpiļs Dizaina i muokslys vydsškola "Saules skola"
Silvai Linartei veļteitys izstuo... @ Daugovpiļs Dizaina i muokslys vydsškola "Saules skola"
Feb 26 @ 13:00 – 14:00
26. februarī, atguodojūt Silvu Linarti 85. dzimšonys dīnā, “Saulis školys” konferenču zālē nūtiks muokslineicys pīminis izstuodis atkluošona.   Silva Veronika Linarte (26.02.1939.–23.07.2018.), ilgus godus vuicūt kompozicejis pamatus studentim i školuotuojim na tik “Saulis školā”, bet[...]
Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]