Myužeibā aizguojs keramikis Ontons Ušpeļs [Papyldynuots]

Myužeibā aizguojs keramikis Ontons Ušpeļs [Papyldynuots]

uspelis22

Papyldynuota pādejuo ryndkūpa.

Trešdinis reitā, 26. augusta, myužeibā aizguojs Latgolys keramikis Ontons Ušpeļs.

Ontons Ušpeļs dzims 1944. godā Rēzeknis apriņča Sylajuoņu pogosta „Dūbēs” (tagadejā Rībeņu nūvodā). Vuicejīs Rēzeknis Lītiškuos muokslys vydsškolys Keramikys nūdaļā, kuru beidzūt, pīsavierss tautys pūdnīceibai, saglobuodams Sylajuoņu keramikys centra tradicejis. Jis stažējuos pi tāva Ontona Ušpeļa i kaimiņa Polikarpa Černavska. 1972. godā nu „Dūbem” puorsacēle iz Garīmkolnim, natuoli nu Maltys. 1972. godā uzjimts Muokslinīku savīneibā. 1982. godā nūtyka personalizstuode Moskovā. Pi juo darbneicā stažiejīs Leonards Vincevičs i Voldemārs Voguls.

Itymā vosorā ministru prezidente Laimdota Straujuma Rēzeknē, storptautiskuo folklorys festivala “Baltica 2015” dyžkoncertā meistaram Ontonam Ušpeļam padeve Ministru prezidenta Pateiceibys rokstu par myuža īguļdejumu Latgolys keramikys tradiceju saglobuošonā i atteisteibā.

Atsavadeišona nu O. Ušpeļa nūtiks sastdiņ, 29. augustā, 11 stuņdēs Jezus Sirds katedralē Rēzeknē. Piec sāru dīvkolpuojuma aizguojieju zemis kliepī guļdeis Antonišķu kopsātā, Rībeņu nūvodā.

Print Friendly, PDF & Email

Nūtikšonu kalendars

Nov
30
Tre
vysu dīnu Izstuode “Trīs no “Osīšiem”” @ Latgolys Centraluo biblioteka
Izstuode “Trīs no “Osīšiem”” @ Latgolys Centraluo biblioteka
Nov 30 vysu dīnu
Leidz 30. novembram Latgolys Centraluos bibliotekys Daiļliteraturys sektorā apsaverama Guru saimis gleznu izstuode “Trīs no “Osīšiem”. Ekspozicejis autoris dažu godu laikā kruoja muokslys dorbus, nu kurūs daudzi jau ir sajāmuši atzineibu ari cytuos izstuodēs. Skateituojam[...]