Daugovpilī organizej Latgolys folklorys školu

Daugovpilī organizej Latgolys folklorys školu

Kab nūdrūšynuotu Latgolys kulturvidis daudzveideibys saglobuošonu i atteisteibu, Daugovpiļs Latvīšu kulturys centrs i folklorys kūpa “Svātra” nu 17. septembra organizēs Latgolys folklorys školu.

Itei jau byus ūtruo reize, kod, pasasokūt VKKF Latgolys programys atbolstam, Latgolys folklorys kusteibys dalinīkim i folklorys atteisteibā īinteresātim ļaudim byus vareiba apmeklēt meistarklasis tradicionalūs muzykys instrumentu spēlē, tradicionalajā dzīduošonā i latvīšu tradicionalajā dejā. Meistarklasis nūtiks Daugovpiļs Latvīšu kulturys centrā, Reigys īlā 22a, Daugovpilī.

Nūdarbeibu saroksts.

Nūdarbeibu nūtikšonys laiki var tikt maineiti atkareibā nu aktualitašu i dalinīku vajadzeibu instrumentu spēlis vuiceišonuos procesā.

Iz instrumentu spēlis nūdarbeibom juoīsarūn ar sovim instrumentim. Bez sova instrumenta var pīsadaleit vāruotuoja lūmā voi ari var vīnuotīs ar kaidu kolegi draudzeigai pasadaleit ar instrumentu.

Dalinīku vītu skaits īrūbežuots.

Dasasaceit var iz vysu nūdarbeibu programu voi ari iz atseviškom nūdarbeibom: tradicionaluo dzīduošona; tradicionaluo deja; mandolinys, cymbalys, pūdzeņceitara spēle; kūklis spēle; garmanis spēle.

Dasasaceišona i vaira informacejis, zvonūt 29118992 da 8. septembra 17.00.

Karteņa: nu LaKuGys arhiva (autore: Kristīne Pokratniece). Karteņai ir tik ilustrativs raksturs.

Print Friendly, PDF & Email

Nūtikšonu kalendars

Nov
30
Tre
vysu dīnu Izstuode “Trīs no “Osīšiem”” @ Latgolys Centraluo biblioteka
Izstuode “Trīs no “Osīšiem”” @ Latgolys Centraluo biblioteka
Nov 30 vysu dīnu
Leidz 30. novembram Latgolys Centraluos bibliotekys Daiļliteraturys sektorā apsaverama Guru saimis gleznu izstuode “Trīs no “Osīšiem”. Ekspozicejis autoris dažu godu laikā kruoja muokslys dorbus, nu kurūs daudzi jau ir sajāmuši atzineibu ari cytuos izstuodēs. Skateituojam[...]