Ludzys nūvoda pošvaļdeiba aicynoj zīduot Lūcejis skulpturys izveidei, kas byutu duovona Ludzai 840 godu jubilejā.

Legenda viestej, ka Ludzys piļsāta tai saukta par gūdu nūstuostu i nūslāpumu apveitajai senejuos piļs īpašneicai Lūcejai. Kai informej Ludzys nūvoda dūme, ir dūmuots izveiduot unikalu vidis dizaina objektu – Lūcejis skulpturu, kas veicynuotu Ludzys atpazeistameibu i byutu palīkūša piļsātvidis tāla sastuovdaļa.

Tyka izsludynuots atkluotais skiču konkurss “Mazās arhitektūras formas – Lūcijas skulptūras skiču projekta izstrāde”, i tymā uzvarēja Svetlanys Skačkovys-Marčenko meta projekts. Itū skulpturu ir dūmuots veiduot nu bronzys 2 – 2,5 metru augstumā i pastateit viesturiskuo tierga laukuma vītā – pi Turisma informacejis centra i Ludzys pareizticeigūs bazneicys. Projekta eistynuošonai ir vajadzeigi gondreiž 75 000 EUR.

Ludzys novada pašvaldība aicynoj zīduot skulpturys izveidei. Zīduojumu kastis atsarūn Ludzys nūvoda pošvaļdeibys ākys 1. stuovā (Raiņa īlā 16, Ludzā) i Turisma informacejis centrā (Bazneicys īlā 42, Ludzā). Zīduojumu ir īspiejams veikt ari ar naudys puorskaitejumu Pošvaļdeibys zīduojumu kontā. Duovynuojumu vuokšona nūtiks da 2016. goda 31. juļa.

Rekviziti naudys leidzekļu zīduojumim:
Ludzas novada pašvaldība
Registracejis numers 90000017453
Raiņa ielā 16, Ludza, LV-5701
Banka: AS „Citadele banka”
Kods PARXLV22
LV64PARX0002240270004
Maksuojuma mierkis: Ziedojums Lūcijas skulptūras izveidei