Nūtiks Kruoslovys i Dagdys nūvoda Gruomotu svātki

Nūtiks Kruoslovys i Dagdys nūvoda Gruomotu svātki

18. septembrī Kruoslovā nūtiks Kruoslovys i Dagdys nūvoda 14. Gruomotu svātki. Pasuokumā ar gruomotu goldu pīsadaleis ari Latgolys Studentu centrs.

Vysys dīnys garumā Gruomotu svātkūs nūtiks gruomotu komercizstuode, kurymā pīsadaleis na tikai Latgolys Studentu centrs, nu ari taidys izdevnīceibys kai “Zvaigzne ABC”, “Lauku Avīze”, “Jumava”, “Nordik”, “Avots” i cytys.

11.00 Kruoslovys kulturys nomā tiks atkluoti Gruomotu svātki, kam sekuos “Latvijas Avīzes” publiskuo diskuseja “Pensiju likuma akmeņainais ceļš”, kurymā pīsadaleis lobkluojeibys ministrejis parlamentarais sekretars Reinis Uzulnieks, 12. Saeimys deputati i eksperti. Sovukuort 14.00 kūpā ar dobys pietnīku Gunti Eniņu byus vareiba īpazeit nazynamū Latveju.

Lels nūtikšonu pīduovuojums byus bārnim i jaunīšim. Mozuokī varēs vuiceitīs svieteit svātkus ar žurnalisti Lindu Kusiņu, kai ari pīsadaleit rodūšajā darbneicā “Rudens svārki mugurā”. Jaunīšim paradzātys sarunys ar geštaltterapeiti i filozofi Elīnu Zelčāni, dobys pietnīku Gunti Eniņu, kai ari gruomotys “Mūsu karoga stāsti” autori Anitu Bergmani.

Pasuokuma nūslāgumā vysi teik aicynuoti iz tikšonūs ar bejušū Vaļsts prezidentu Valdi Zatleru, nu pošuos beiguos nūtiks tradicionaluo gruomotu izlūze.

Print Friendly, PDF & Email

Kalenders

Jun
23
Svā
17:00 Leigū Viļakā @ Viļakys breivdobys estrade
Leigū Viļakā @ Viļakys breivdobys estrade
Jun 23 @ 17:00 – 23:45
Leigū Viļakā @ Viļakys breivdobys estrade
19:00 Juoņa dīna @ "Silene Resort&SPA"
Juoņa dīna @ "Silene Resort&SPA"
Jun 23 @ 19:00 – 23:45
19.00 – 22.00 Grilbārs: aizkūdys, šašliks, duorzuoji pagataveiti iz grila bez īrūbežuojumu. 22.00 Zaļumballis koncerts kopā ar grupu Jurs Ostrovskis & Valērijs Mukāns 23.00 Leluo gunskura aizdegšona 24.00 Dūšonuos papardis zīdu mekliejumūs   Vokora gaitā[...]
19:00 Leigū Rēzeknē @ Festivala parks
Leigū Rēzeknē @ Festivala parks
Jun 23 @ 19:00 – 23:45
Leigū Rēzeknē @ Festivala parks