Pasauļa arhitekturys dīnys ītvorūs, kai ari, svietejūt piļsātys jubileju, Daugovpiļs piļsātys dūmis Piļsātplanavuošonys i byuvnīceibys departaments aicynoj apmeklēt fotoizstuodi par Daugovpiļs piļsātys arhitekturu.

Izstuodē var redzēt, kaida piļsāta izavēre pyrma apmāram 100 godu, saleidzynuot i atpazeit īlys i kuormus, i īsavērt šudiņdīnys piļsātys nūskaņuos .

Izstuodē radzamuos kartenis doluos trejuos grupuos: Daugovpiļs piļsāta  20. gs. suokuos, kod vēļ tik suoce izmontuot fotoaparatu; kartenis, kas savīnoj vacū (nu arhiva) i myusu dīnu dokumentalū fotografeju, veidojūt trešū – muokslys foto; kartenis, kuru autors ir Vladimirs Vatmahters, caur kruosu i fakturu fiksej Daugovpiļs piļsātys dažaidys vītys, nūskanis i sajiutys.

Izstuode bez moksys apsaverama dorba dīnuos nu 9.00 da 18.00 Vīneibys nomā (bejušajā gruomotu veikalā “Globuss” Reigys īlā 22a, Daugovpilī).