Voi Eiropys Savīneibys nauda ir uzlobuojuse cylvāku dzeivi? Vaļsts Regionaluos atteisteibys agenturys forumā Preiļūs eksperti nūsprīde, ka nui. Itam redzīņam pīkreit ari pošvaļdeibu vadeituoji, stuostūt, ka izlobuoti celi, kuormi, iudiņa apguodis sistemys, vītom taisuos byuvēt ari maduošonuos baseinu. Tikom Latgolys cylvākim ir cyts redzīņs. Tī puorsvorā stuosta, ka puormainis najiut, koč i paguojušajā planavuošonys periodā Latgolys regionā kūpā eistynuoti projekti par 600 milionim eiro.

Sarunā par ES fondu naudu i tuos izlītuojumu Latgolā “Kolnasātā” pīsadola Inese Rebaine, kura Rēzeknis pošvaļdeibā struoduoja ar lelajim projektim: Latgolys viestnīceibu GORS i guojieju īlu, kas tū savīnoj ar Austrumlatvejis rodūšūs pakolpuojumu centru “Zeimuļs”. Niu Inesei Rebainei ir sovs projektu vadeibys uzjāmums, taipat ari doktora grāds ekonomikā.

Sovukuort Vuordineicys eksperti “Kolnasātā” apsaver škārsteikla puorlyuku “Mozilla Firefox”, kam radeita latgalīšu verseja, i sprīž par tū, ka škārsteiklā latgalīšu volūdai īt lobuok nakai drukavuotajūs medejūs. Ogruok ari draugiem.lv varēja izmontuot latgalīšu volūdā, taipat latgalīšim ir ari sova Vikipedeja.

Raidejumu klausīs ite.