Rēzeknē nūtiks lobdareibys koncerts

Rēzeknē nūtiks lobdareibys koncerts

1. novembrī 12 stuņdēs Rēzeknis kulturys nomā (Bruoļu Skryndu īlā 3) bīdreiba “Eņģeļi ar mums” īlyudz iz labesteibys koncertu “Atver savu sirdi”, aicynojūt ar īīšonys zīduojumim atbaļsteit Rēzeknis piļsātys i nūvoda bārnus ar eipašom vajadzeibom, informej Rēzeknis Kulturys i Turisma centra puorstuove Maija Upeniece. 

Labesteibys koncertā pīsadaleis Puncuļu saime, Tihovsku saime, Inga i Normunds, Tira Tolardava, grupa “Late Night Band”, deju studeja “Dynamic HIT”, Rēzeknis katuoļu vydsškolys deju kolektivs i saksofonistu “TRIO”, Rēzeknis piļsātys 6. vydsškolys audziekni i cyti vītiejī muokslinīki.

Bīdreibā “Eņģeļi ar mums” ir apsavīnuojušys saimis nu Rēzeknis i nūvoda, kas audzynoj bārnus i jaunīšus ar eipašom vajadzeibom. Bīdreibā vīns ūtru atbolsta i kūpā vaicoj vareibys, kab pozitivi ītekmātu i maineitu sovu i bārnu dzeivis kvalitati.

Īīšona labesteibys koncertā par zīduojumim.

Zīduot var ari iz kontu: Biedrība “Eņģeļi ar mums”, reg. Nr. 40008169258, konta Nr. LV06HABA0551034335290.

lobdareiba

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]