Klausīs “Pi myusim Latgolā” i “Pa dobys stygom pi myusim Latgolā” (papyldynuots 31.10.2015.)

Klausīs “Pi myusim Latgolā” i “Pa dobys stygom pi myusim Latgolā” (papyldynuots 31.10.2015.)

Pīduovojam nūsaklauseit producentu grupys SIA “Lietišķā Latgale” taiseitūs raidejumus “Pi myusim Latgolā!”, kai ari raidejumu “Pa dobys stygom pi myusim Latgolā”.

Raidejums “Pa dobys stygom pi myusim Latgolā” stuosta par Lubuona azaru, kū nazkod cylvāks īgrūžuoja i vysu juo apleicīni padareja par sovpateigu miļzeigu hidrobyuvi, kai ari par ogruok veiduotajim Lubuona muorkim, kas niu palikyši par eipašu ekosistemu na viņ putynim i zivim, nu ari vysai Latvejai.

Catūrtdīnis raidejumā “Pi myusim Latgolā” jaunuokuos i interesantuokuos kulturys aktualitatis itam nedeļgolam, tymā skaitā ari par Legendu nakts pasuokumim Latgolys pilīs i muižuos, Cyblys nūvoda Blontu folklorys kūpys 30 godu jubileju i lobdareibys koncertu “Atver savu sirdi”.

Pīktdiņ raidejums skaidroj, kai dorba devieji suoc dabuot ceļu iz pīrūbežu i ar kū uzjiemieji i investori teik davylynuoti.

Sastdīnis raidejumā žurnaliste, politike i niu ari muokslineica Anta Rugāte atkluoj sovu dzeivis receptu.

Raidejums “Pa dobys stygom pi myusim Latgolā” tūp ar Latvejis vidis aizsardzeibys fonda, nu raidejums “Pi myusim Latgolā” ar NEPLP finansialu atbolstu.

Raidejumu “Pa dobys stygom pi myusim Latgolā” klausīs catūrtdiņ:

17.30 radejā “Ef-Ei” i “Divu Krastu radio” (ar atkuortuojumu sastdiņ 15.00)
18.20 Latgolys radejā (ar atkuortuojumu pīktdiņ 11.20).

Raidejums “Pi myusim Latgolā” skaņ:

“Kulturys afiša Pi myusim Latgolā”:
radejā “Ef-Ei” – catūrtdīnēs 18.30 (atkuortuojums pīktdīnēs 12.30),
“Latgales Radio” – catūrtdīnēs 18.05 (atkuortuojums pīktdīnēs 11.05).

“Vārojam, vaicojam i viertejom Pi myusim Latgolā”:
“Divu Krastu radio” – pīktdīnēs 15.30 (atkuortuojums pyrmūdīnēs 10.30),
“Latgales Radio” – pīktdīnēs 16.30 (atkuortuojums sastdīnēs 11.00).

“Eimam gostūs Pi myusim Latgolā”:
radejā “Ef-Ei” – sastdīnēs 16.00 (atkuortuojums svātdīnēs 18.00),
“Latgales Radio” – sastdīnēs 14.00 (atkuortuojums svātdīnēs 11.00).

Vysus raidejumus sevkurā laikā var nūsaklauseit ari LaKuGā.

Raidejuma veiduotuojim var sekuot ari socialajūs teiklūs draugiem.lv i facebook.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]