Kolnasāta 31. oktobrī

Kolnasāta 31. oktobrī

Kaida ir Latgolys drukavuotūs medeju nuokūtne? Konkureņcis padūme rūsynuojuse aizlīgt pošvaļdeibom dybynuot sovus medejus, partū ka tī uztur izdavumus par pošvaļdeibys leidzeklim i tymā pošā laikā ari puordūd reklamys laukumus par lātu naudu. Reklama pryvatajim medejim ir nūzeimeigs īnuokumu olūts, nu tai kai pošvaļdeibys izdavumā reklamu īlikt ir liešuok, pryvatajim vaira nav vareibu. Kulturys ministreja ir pīlaideiguoka i pīduovoj aizlīgt tik reklamu, na pošu pošvaļdeibys izdavumu. Ideja napateik pošvaļdeibom, Rēzeknis mērs Aleksandrs Bartaševičs izasacejs, ka tys ir mieginuojums “privatizēt patīseibu”. Par itū vaicuojumu raidejumā “Kolnasāta” teik runuots ar komunikacejis zynuotņu doktori Sandru Murinsku-Gaili. Jei skaita, ka Latgolys drukavuotajim medejim byus nuokūtne tik tod, ka tī suoks izmontuot elektroniskuos vidis vareibys i pīsaisteis jaunūs žurnalistus.

Sovukuort Vuordineica par tū, kas vysod pasaruoda gazetys pyrmajā lopā – par mienešu nūsaukumim. Valentins Lukaševičs i Arņs Slobožanins sprīss, kai globalizaceja ītekmiejuse kalenderi.

Raidejumu klausīs ite.

Print Friendly, PDF & Email

Kalenders

Sep
15
Svā
all-day Māra Čačkys izstuode “Pieņemšana” @ Ventspiļs muzejs
Māra Čačkys izstuode “Pieņemšana” @ Ventspiļs muzejs
Sep 15 all-day
Māra Čačkys izstuodē “Pieņemšana” Ventspiļs muzejā Livonejis ordiņa pilī byus radzami pavysam jauni dorbi i eipaši itai ekspozicejai radeitys grafikys. Izstuode Livonejis ordiņa pilī apsaverama nu 6. juļa da 15. septembra.