Daugovpiļs Marka Rotko muokslys centrys organizej II Storptautyskū tekstilmuokslys simpozeju “Fortress Man”, kas nūtiks nu 4. da 17. novembra Daugovpiļs cītūksnī.

Cītūksnis ir interesants kulturviesturis pīmineklis, kurū raksturoj na tik īvāruojami viesturiskī fakti, nu ari interesantys īlys, pogolmeni i cylvāki. Itūšaļt eipašuo cītūkšņa arhitektura, kur senejais sasateik ar jaunū, myusdīneigū, veidoj sovu kruosu pasauli i naatkuortojamū atmosferu, kur jimt īdvasmu, radeit idejis i veiduot jaunus muokslys objektus. Tekstilmuokslys simpozeja dalinīki ir aicynuoti radeit unikalus laikmeteiguos tekstilmuokslys dorbus, veidojūt storptautyskuos komunikacejis platformu tekstilmuokslys nūzarē.

Itūreiz Storptautyskajā tekstilmuokslys simpozejā pīsadola 9 tekstilmuokslinīki nu ASV Lelbritanejis, Čehejis, Zvīdrejis i Latvejis: Amanda Valdez, Andrea Myers i Julie Abijanac (ASV), Ksenia Shinkovskaya (Daugovpiļs, Latveja), Antra Augustinoviča (Latveja), Farniyaz Zaker i Moi Tran (Lelbritaneja), Miloš Adolf (Čeheja) i Kerstin Lindström (Zvīdreja).

Simpozeja laikā nūtiks ari pasuokumi, kurūs aicynuoti apmeklēt vysi interesenti. 5. novembrī 16.00 notiks “Fortress Man” simpozeja atkluošona, piec kuruos muokslinīki uzastuos ar sova rodūšuo dorba prezentacejom. Simpozeja nūbeigumā i jaunuos izstuožu sezonys atkluošonys pasuokumā 17. novembrī 16.00 tiks atkluota ari tekstilmuokslys simpozeja izstuode.