Reigā atkluos Igora Pliča fotoizstuodi

Reigā atkluos Igora Pliča fotoizstuodi

10. novembrī 17.00 “Galerija Centrs” 1. stuovā tiks atkluota Igora Pliča fotoizstuode “Daugav’ abas malas”.

Latgolys fotografs i patriots Igors Pličs izstuodi veiduojs mīlesteibā pret myusu dzimtini i tuos liktiņupi Daugovu, īsadvasmojūt nu Pītera Zeilis gruomotys “Latgale un tās ļaudis”.

Organizatori viestej, ka izstuode ir unikala, partū ka tuos garums ir 150 metru īdvasmojūšu fotografeju ar Daugovu nu Pīdrujis da Jiurys vuortu, kur Daugova sasateik ar Baļtejis jiuru.

Fotoizstuode “Daugav’ abas malas…” ir veļtejums Latvejis dzimšonys dīnai.

Igors Pličs ir dzims 1954. goda 8. novembrī Reigā, vuicejīs Vactiļžys školā, 34. Reigys PTS Foto nūdaļā, Moskovys padūmis vuordā nūsauktajā politehnikumā, Foto tehnologejis nūdaļā, Foto meistareibys fakultatē VEF Kulturys i tehnikys pilī. Nu 1981. goda Igors Pličs struodoj i dzeivoj Preiļūs. Fotografs jau daudzus godus pīsadola izstuodēs gon Latvejā, gon uorzemēs, juo fotografejis ir izmontuotys postkartem, bukletim, ceļvežim i prezentacejis izdavumim, kalendarim. Taipat Igora fotografejis izmontuotys vairuokuos monografejuos, pīmāram, “Ai, māte Latgale”, “Latgales kultūras vēsture”, “Preiļu novads”. 2008. godā tyka izdūts Preiļu piļsātys 80 godu jubilejai veļteits fotoalbums “Acis redz, sirds deg…” ar Igora Pliča fotografejom. Ar fotografa entuziasmu 2013. godā dīnys gaismu īraudzeja unikals izdavums – Latgolai veļteita gruomota “Latgale fotogrāfijā”, kurā īkļautys 92 autoru biļdis.

Foto: vimeo.com

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]