Parkū tik moz pīaugušūs turpynoj vuiceitīs? Tū telefona sarunā raidejums vaicoj Dzintrai Iliško, Daugovpiļs Universitatis Ilgtspiejeigys izgleiteibys instituta direktorei. Planavuošonys dokumentūs nūruodeits, ka da 2020. goda, zeimojās, pīcu godu laikā, izadūs panuokt, ka 15 procentu nu 25 – 64 godus vacajim cylvākim īsasaisteis myužizgleiteibā. 2012. godā taidu beja iz pusi mozuok – tik septeni procenti. Vaira nakai puse cylvāku nūruoda, ka nasavuica, partū ka tys ir puoruok duorgi. Kaida ir situaceja Latgolā?

Taipat raidejumā apkūpuotys interesantuokuos atbiļdis iz vaicuojumu “Kai Latveju davīnuot Latgolai?”. Par tū raidejuma “Kā labāk dzīvot?” Rēzeknis specializlaidumā “Ideju teniss” runuoja Rēzeknis Augstškolys profesore Ilga Šuplinska, uzjiemiejs, tai sauktuo “Latgolys karūga” autors Māris Rumaks, žurnala “A12” rubrykys “Domnīca” vadeituojs Māris Igavens i Edeite Husare – Latgolys viestnīceibys GORS mārketinga vadeituoja. Vīna nu ideju – atvest iz Latgolu hipsterus.

Vuordineicā Arņs Slobožanins i Valentins Lukaševičs runoj par telefonu, kuļdinīku i tehnologeju atteisteibu, nu iz vaicuojumu “Kū Ontons Kūkuojs dūmuotu par atstorojūšū vesti, kas izvylkta juo pīminekļam mugorā?” sovā komentarā atbiļdēs rakstneica Ilze Sperga, kas otkon dasavīnoj “Kolnasātai”.

Raidejumu klausīs ite.