4200 km pīcu mienešu laikā. Tik daudz kuojom pīveice div jauni cylvāki – Pīters Pastars i Rita Patkovska. Ryupeigai planavuoja, kū jimt leidza, pat svēre, kurs džempers ir vīgluoks, sapakavuoja sūmys, atstuoja dorbu i divatā devēs pīpiļdeit sovu sapynu iz Ameriku. Obeji tikū atsagrīzuši nu “Pacific Crest Trail” aba Klusuo Okeana Kūris stygys, tei stīpās nu Meksikys da Kanadys rūbeža i īt cauri Kalifornejis, Oregonys i Vašingtonys mežim, nacionalajim parkim, tuksnešim i kolnim. Ar Ritu i Pīteri saruna par tū, kū jī dareja, sateikūt luoci i klaburčyusku, kai tyka pi iedīņa i voi niu moz var atrast tematu, kas nav izrunuots pīcu mienešu laikā.

Vuordineicys eksperti runoj par vuordu, kurymā ogruok sauce tualeti – par ateju. Uorzemu latvīši izmontoj taišni itū nūsaukumu.

Sovukuort Dace Dambe sasarunoj ar Aināru Puduli, uzjiemieju, kurs puorstuojs gaideit, kod kaids cyts padareis koč kū juo vītā i kūpā ar dūmubīdrim reikoj naoficialu “Latgolys zeimu tolku”, pi Latgolys cīmu pastota tūs nūsaukumus latgalīšu volūdā.

Raidejumu klausīs ite.