Zynomi Dīvydlatgolys lobuokī stuostnīki

Zynomi Dīvydlatgolys lobuokī stuostnīki

stuostniki11. novembrī Leivuona 1. vydsškolys Laimenis školā sasapuļcēja Dīnvydlatgolys nūvoda lobuokī stuostnīki, kas sovu stuostnīka talantu, izteiksmis patīseigumu i personeibys šarmu aplīcynuoja konkursa “Teci, teci, valodiņa!” pusfinalā.

Konkursā pīsadaleja jaunī stuostnīki nu Dravnīku, Rībeņu, Vuorkovys, Gaļānu, Seiļukolna, Aglyunys, Rūžupis, Jersikys i Leivuona. Konkursa mierkis ir stuosteišonys tradiceju atjaunuošona, uzturiešona i atteisteišona, aktivai leidzadorbojūtīs myusdīnu tautys mutvuordu kulturā.

Stuostnīkus vāruoja i viertēja zynūši i lobvieleigi vārtātuoji: izcyla stuostneica folklorys kūpys “Vecvārkava” dalineica Helena Ērgle, Leivuona nūvoda Kulturys centra amatīrteatra vadeituoja Ilze Kārkle, Turku SN i folklorys kūpys “Turki” vadeituoja Terezeja Rubene, Leivuona BJC darbineica Aļbina Malahovska.

Vārtāta tyka tekstu izviele, prīšknasuma izveide, attīksme pret žanru tradicejom i tekstu saturu, muoka dasaisteit i nūturēt klauseituoju viereibu, volūdys precizitate i izteiksmeigums, stuostnīka tāls. Īvārojūt konkursa viertiešonys kriterejus i nūlykumu, konkursa viertiešonys komiseja varēja daškiert Mozuo stuostnīka i Leluo stuostnīka titulus.

Iz finalu Reigā, kas nūtiks 5. decembrī Reigys Latvīšu bīdreibā, dūsīs lobuokī nūvoda stuostnīki: Mareks Nečajevs, Rainers Tomass Urujevs, Normunds Ločmelis (Leivuona 1. vydsškola i Leivuona BJC), Evita Tentere (Jersikys pamatškola), Kristians Plots (Vuorkovys vydsškola), Evija Bergmane-Sprūdža, Ernests Zalāns (Rībeņu vydsškola), Aivis Upenieks (Dravnīku pamatškola).

Finalistu vydā ir jauns Stuostnīku kieneņa titula pretendents – Ernests Zalāns nu Rībeņu vydsškolys, kurs jau treis godus piec kuortys konkursa finalā ir sajiems Dyžuo stuostnīka titulu.

Kab sasagataveitu konkursam, bārnim i jaunīšim kūpā ar vacuokim i školuotuojom ir juosainteresej par stuosteišonys tradicejom i sova nūvoda i dzymtys namaterialū kulturys montuojumu. Kab atrostu eistū stuostu i tū veiksmeigai pastuosteitu, saīt daudz klauseitīs i stuosteit.

Paļdis školuotuojom: Elzai Leimanei, Anitai Ancānei, Annai Kārklei, Marijai Ancānei, Ritai Teilānei, Ārejai Bergmanei-Sprūdžai, Ritai Pudānei, Ivetai Brokai-Kazākai, Ilonai Karpenko, Helenai Ērglei, Lilitai Valainei, Ingai Elstei i Valentinai Mičulei. Paļdis vacuokim i, golvonais, pošim stuostnīkim!

Konkursu reikuoja Vaļsts Izgleiteibys satura centrs sadarbeibā ar Leivuona BJC.

Informaceju sagataveja: Anna Kārkle, Leivuona 1. vydsškolys školuotuoja, Dīnvydlatgolys nūvoda folklorys kūpu koordinatore

Karteņā: Leivuonu stuostnīki. Nu kairuos: Rainers Tomass Urujevs, Mareks Nečajevs, Normunds Ločmelis

Print Friendly, PDF & Email

Nūtikšonu kalendars

Jul
2
Sai
11:00 Sātys kopejneicu dīnys @ Preili, Aglyuna i Leivuons
Sātys kopejneicu dīnys @ Preili, Aglyuna i Leivuons
Jul 2 @ 11:00 – Jul 3 @ 17:00
Sātys kopejneicu dīnys @ Preili, Aglyuna i Leivuons
 
17:00 Maltai 85 @ laukumā pi Maltys KN
Maltai 85 @ laukumā pi Maltys KN
Jul 2 @ 17:00 – 23:45
Maltai 85 @ laukumā pi Maltys KN
Jul
3
Svā
vysu dīnu Izstuode “Līvāni=Stikls” @ Daugovpiļs muola muokslys centrs
Izstuode “Līvāni=Stikls” @ Daugovpiļs muola muokslys centrs
Jul 3 vysu dīnu
Daugovpiļs piļsātys svātku dīnā, 3. junī 14.00 stuņdēs Daugovpiļs muola muokslys centrā nūtiks Leivuona stykla i amatnīceibys centra izstuodis “Līvāni = stikls” atkluošona. Izstuodē apsaverami Leivuona stykla i amatnīceibys centra stykla pyutieju Aleksandra Logvina i[...]