Rēzeknis Augstškola pīduovoj sevkuram vuiceitīs latgalīšu rokstu volūdu

Rēzeknis Augstškola pīduovoj sevkuram vuiceitīs latgalīšu rokstu volūdu

Rēzeknis Augstškolys Myužizgleiteibys centra kursu pīduovuojumā niu īkļauta ari latgalīšu rokstu volūda.

Programā varēs tikt pi pamatprasmu latgalīšu tekstu radeišonā (tematika i žanrs byus atkareigs nu programys dalinīku vajadzeibu), korigiešonā i redigiešonā, bolstūtīs iz 2007. goda pareizraksteibys nūsacejumim. Tiks pīvārsta viereiba ari latgalīšu volūdys etiketei i frazeologejai.

Nūdarbeibys vadeis Rēzeknis Augstškolys Regionalistikys instituta zynuotniskuo asistente, Mg. philol. Sandra Ūdre.

Kursi nūtiks Rēzeknis Augstškolā, tūs daleibys moksa – 65 eiro.

Vaira informacejis par kursim var izzynuot, rokstūt iz e-postu muzizglitiba@ru.lv voi zvonūt 29336118.

Karteņa: nu LaKuGys arhiva

 

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
18:00 Bronislavai Martuževai veļteits ... @ Latgolys viestnīceiba "Gors"
Bronislavai Martuževai veļteits ... @ Latgolys viestnīceiba "Gors"
Apr 13 @ 18:00 – 19:30
“Topi stipra, sirds” – koncertizvadums, kas veļteits izcyluos latvīšu dzejneicys i dzīsmineicys Bronislavys Martuževys 100. jubilejai. Koncertizvaduma muokslinīcyskū koncepceju veidoj dirigente Aira Birziņa i aktrise Baiba Broka. Dzejneicys Bronislavys Martuževys (1924–2012) symtgade tiks svieteita 2024.[...]