27. novembrī Rēzeknis Augstškolys aktu zalā nūtiks jau par tradiceju palykušuo literari muzykaluo Andrejdīna, kurymā itūgod tiks apbolvuoti ari konkursa “Muna sāta, škola, pogosts/piļsāta 1917.-2015. godi” laureati.

Pasuokums suoksīs 16.00 taišni ar konkursa “Muna sāta, škola, pogosts/piļsāta 1917.-2015. godi” nūslāgumu, kurymā bolvys padūs Anna Rancāne, Jurs Viļums, Arņs Slobožanins, Līveja Plavinska, Ēriks Zeps, Sovvaļnīks i cytys Latgolā zynomys personys.

Muzicēs postfolklorys grupa “Rikši”, kūpā tiks skaiteita “Alise Breinumu zemē” i klauseiti dzejūli nu I. Atpilis-Juganis gruomotys “Otkon giunu sapynus”.

18.00 suoksīs Andrejdīnys daļa, kurymā tekstus izdzeivuos A. Rancāne, V. Lukaševičs, Raibīs, B. Berga, I. Atpile-Jugane, L. Rundāne, I. Kaļva, L. Purinaša, J. Viļums, V. Jašina, D. Bramane i cyti autori.