Grupa “Piparmētra” pīduovoj pyrmuos dzīsmis video
Mārgu grupa “Piparmētra” nu Īlyukstis pīduovoj nūsaklauseit sovu pyrmū īrokstu i nūsavērt video “Priecāties par mazām lietām”.
Grupa “Piparmētra” dybynuota pyrma pusgoda, sasateikūt sešom mārgom nu piļsātys školys. Oktobrī grupa pīsadaleja konkursā “Gaisa Trīce” Ikškilē, kur sajāmuse žūrejis simpateju bolvu.
Grupys sastuovā ir: Amanda Lapa (gitara, bolss), Jana Dudare (bolss), Lokija Kakeševa (tausteni), Megija Pabērza (bungys), Elza Timšāne (gitara), Adelīna Olehnoviča (bass).
Dzīsmis muzykys autore ir Evija Smagare, nu vuordu – Imants Ziedonis. Dzīsme īraksteita skaņu īrokstu studejā “Buozova”, miksēja – Ugis Vilcāns.
