Marka Rotko muokslys centra pietnīciskajā zalā apsaverama jauna muokslinīkam Markam Rotko veļteita ekspoziceja, informej centra puorstuovi. Tei nūmainejuse skateituojim īprīšk pīduovuotū ekspoziceju “Rotko memoriālais portfolio”, kū veiduoja 13 zynomu britu muokslinīku grafikys dorbu kolekceja. 

Jaunuo ekspoziceja dūs skateituojim piļneiguoku prīškstotu par Marka Rotko daiļradis sirrealisma i klasiskū periodu. Izstuodē byus apsaveramys Rotko dorbu reprodukcejis, kas veiduotys saskaņā ar muokslys dorbu originalim iz audakla i papeira. Ekspoziceja ļaus īsapazeit ar Rotko nūzeimeigom gruomotom i izzynuot, kaidu muzyku slovonais muokslinīks klausejuos sovā dorba studejā. Eiskina, kū izveiduojs Modernuos muokslys muzejs Ņujorkā, ļaus īsadzilinuot Rotko gleznu radeišonys procesā i izzynuot vaira par tū, cik unikala i dorbītylpeiga beja muokslinīka izmontuotuo tehnika, gleznojūt klasiskuo perioda dorbus.

Jaunuo ekspoziceja Marka Rotko muokslys centra pietnīciskajā zalā byus apsaverama da 2016. goda 10. apreļa.