Rēzeknis kors “Medicus” izdevs pyrmū albumu

Rēzeknis kors “Medicus” izdevs pyrmū albumu

Decembris Rēzeknis sīvīšu koram “Medicus” ir ražeigs – 2. decembrī izdūts pyrmais kora albums “Nu reiteņa caldamuos…” i 6. decembrī kors sajiems Zalta diplomu konkursā Krakovā, informej kora puorstuovi. Sovukuort 16. decembrī vysi teik aicynuoti iz koncertu Rēzeknē.

Eisai pyrma braukšonys iz Krakovys festivalu pīsapiļdeja seņ dūmuots kora sapyns – izguoja Rēzeknis sīvīšu kora “Medicus” pyrmais albums “Nu reiteņa caldamuos…”. Tymā īskaņuotys 12 dažaidys dzīsmis – latgalīšu tautysdzīšmu apdaris, Latgolys komponistu dzīsmis i goreiguo muzyka sīvīšu koram. Albums ir radeits projekta ītvorūs, pasasokūt aktivom i rodūšom kora dalineicom, eipaši projekta vadeituojai Skaidreitei Baltacei, albuma dizaina veiduotuojai Inesei Dundurei i īvodteksta autorei Nellijai Žogotai.

Sovukuort nu 4. da 6. decembra “Medicus” pīsadaleja 6. Storptautyskajā Adventa i Zīmyssvātku dzīšmu amateru koru festivalā Krakovā, Pūlejā, kur sajēme Zalta diplomu i Zalta Eņgeļa statueti, kurū žūreja padeve kotrā kategorejā vysvaira punktu sajiemiejam.

Konkursā “Medicus” atskaņuoja i Rēzeknis komponistu jaundorbus – Solvitys Ivanovys “Ave Maris Stella” i Ilonys Rupainis “Kaladū” -, kai ari Ingus Ulmaņa “Lūgšana” i  David Willcocks aranžātū “Rocking”. Festivala ītvorūs vysi dalinīki pīsadaleja koncertūs skaistuokajūs Krakovys dīvnomūs – Sv. Katrīnys bazneicā, Sv. Pītera i Puovula bazneicā, Sv. Marijis bazilikā i cytuos, kas apžylbynuoja ar kruošņumu i puorsteidze ar viesturiskajom boguoteibom. Kora dalineicys patīsai prīcynuoja koncertu publikys atsauceiba, piec uzastuošonys tyka sajimtys lelys ovacejis i aplausi.

Pavysam festivalā Krakovā, kurū reikoj muokslys agentura “Melody”, pīsadaleja 20 koru nu Pūlejis, Bulgarejis, Slovākejis, Lelbritanejis, Norvegejis, Šveicis, Igaunejis, Čehejis, Ungarejis i Latvejis, tūs snāgumu 5 kategorejuos (jauktī, sīvīšu, jaunīšu, bārnu i kamerkori) viertēja storptautyska žūreja.

16. decembrī 18.00 kors “Medicus” aicynoj iz koncertu “Vakarzvaigznes gaismā” Rēzeknis kulturys nomā, kur varēs dzierdēt koru “Medicus”, “Jutrzenka”, “Septiņkalne” i “Ezerzeme” eipaši Zīmyssvātkim sagataveitus skaņdorbus. Koncerta laikā tiks prezentāts ari jaunais albums i atruodeita Zalta Eņgeļa statuete.

Par finansialu atbolstu kors pasasoka Rēzeknis piļsātys dūmei, pošvaļdeibys agenturai “Rēzeknes Kultūras un Tūrisma centrs”, Vaļsts Kulturkapitala fondam, a/s “Latvijas valsts meži” i Latgolys regiona atteisteibys agenturys Latgolys programai.

Karteņa: nu kora “Medicus” arhiva

Print Friendly, PDF & Email

Nūtikšonu kalendars

Aug
16
Ūtr
20:00 Latgalīšu kukne @ tīšsaistē
Latgalīšu kukne @ tīšsaistē
Aug 16 @ 20:00 – 21:30
Latgalīšu kukne @ tīšsaistē
Vaira informacejis: ITE
Aug
18
Cat
20:00 Ūgys koncerts @ "Kaņepes Kultūras centrs"
Ūgys koncerts @ "Kaņepes Kultūras centrs"
Aug 18 @ 20:00 – 22:00
“Kaņepes Kultūras centra” duorzā – Ūgys koncerts. Pi puļts DJ MARTIN BIRCH.   Ūga īvalk klauseituoju Rēzeknis hiphopa kulturys kusteibā. Tei ir īlu muzyka, mīlesteiba i vīnuoteiba storp ituos kulturys pīkūpiejim. Vīneiguo sīvīte, kura repoj[...]