22. janvarī Preiļūs, PAKAC, nūtiks Ceļojūšais muzykys i muokslys festivals “Vadātājs”, kas sevī ītvers muzykys koncertus, etīžu teatri, laikmeteiguos dejis performaņci i eiskinu programu. Pasuokuma organizatori aicynoj atsasaukt vītejūs muokslinīkus, kas grybātu papyldynuot tuo programu.

Jau itūšaļt zynoms, ka festivalā pīsadaleis ansamblis “Manta”, etīžu teatris “Nerten”, Kristīne Brīniņa i Eva Krūmiņa, Preiļu nūvoda BJC teatra grupa “Kājām gaisā”, kai ari byus radzama Latvejis jaunūs režisoru kinu programa.

Ceļojūšais festivals “Vadātājs” ir rodūšūs nūzaru kūpprojekts – izbraukuma pasuokums, kurymā vīnojās vysaidi muokslys i kulturys veidi. Kotrā nūtikšonys vītā “Vadātājs” pīduovuos eipaši veiduotu programu, īsaistūt ari vītejūs muokslinīkus i kulturys aktivistus. Festivala ideja ir decentralizēt nūtikšonys Latvejis kulturys kartē, aktualizejūt voi atkluojūt jaunys pasuokumu vītys, sadarbeibys vareibys, kai ari īpazeistynojūt muokslinīkus i publiku. Iniciativys autori ir pīredziejuši kulturys produktu radeituoji: Kolncīma kvartala komanda, muzykys producenti bīdreiba “Hi” i ansamblis “Manta” sadarbeibā ar vērtini Latvejis kulturys i muokslys profesionaļu.

Pasuokums paradzāts plašai publikai naatkareigi nu dzeivisvītys i vacuma. Īīšona festivalā: bez moksys.

Festivalu “Vadātājs” atbolsta Vaļsts Kulturkapitala fonds.