Latgolā izskanēs lobdareibys koncerti “Pasaules gaisma”

Latgolā izskanēs lobdareibys koncerti “Pasaules gaisma”

Zīmyssvātku muzykaluo apvīneiba (ZMA) aicynoj muzykys meiļuotuojus iz lobdareibys  koncertim “Pasaules gaisma”, kas decembra beiguos nūtiks Borkovā, Lūznovā, Rēzeknē i Ludzā.  

Koncertā “Pasaules gaisma” skanēs apvīneibys skaistuokī meļdeni, kurūs komponējuši muziku draugi – latgalīšu komponisti Liene Brence, Ineta Gedroica, Guntra Kuzmina, Tuoms Lipskis i cyti. ZMA pīsadola: Juoņs Igaunis, Agnese Abramāne, Ilze Grēvele, Jana Kuzmenkova, Iluta Igaune i Laura Reksne.

Vysi itī koncerti byus kai eipaša svātku duovona sevkuram klauseituojam, nu vēļ eipašuoki tī byus, partū ka sadarbeibā ar adventistu atteisteibys i paleidzeibys agenturu ADRA i Rēzeknis septeituos dīnys adventistu draudzi i tuos muoceituoju Imantu Gipsli, eistynojūt projektu “Bērni palīdz bērniem”, Lūznovys, Rēzeknis i Ludzys moznūdrūsynuotūs saimu bārnim duovuos duovonu pakys nu Austrejis.

Zīmyssvātku muzykaluo apvīneiba aicynoj ari puorejūs koncertu apmaklātuojus īsasaisteit lobūs dorbu vērtinē! Tū var dareit sevkurs lobys grybys cylvāks, atnasūt iz koncertim pošadeitys zečis, cymdus, capuris, rūtaļlītys, školys pīdarumus, kaidu soldonumu i cytys lītys, partū ka vysys duovonys prīcynuos bārnu sirsnenis!

24. decembrī 19.00 koncerts nūtiks Borkovys Sv. Stanislava Rūmys katuoļu bazneicā, 27. decembrī 13.00 Lūznovys muižā i 19.00 Rēzeknis teatra studejā “Joriks”, kai ari 28. decembrī 18.30 Ludzys kinoteatrī “Latgale”.

Īīšona koncertūs bez moksys, koncertam Lūznovys muižā vīta pyrma tuo juorezervej, zvonūt 29390701 voi rokstūt muiza@luznava.lv.

pasaules gaisma

Print Friendly, PDF & Email

Kalenders

Dec
11
Pyr
all-day Tekstilmuokslys asociacejis muok... @ Kulturys piļs "Ziemeļblāzma"
Tekstilmuokslys asociacejis muok... @ Kulturys piļs "Ziemeļblāzma"
Dec 11 all-day
Tekstilmuokslys asociacejis muokslinīku dorbu izstuode "Vibrācija" @ Kulturys piļs "Ziemeļblāzma"
Pīsadola: Inta Amoliņa, Kristīne Andersone, Antra Augustinoviča, Jānis Bankovičs, Dina Baumane, Irisa Blumate, Ruta Bogustova, Kristīne Celmiņa, Andra Dīriņa, Rasa Grāmatiņa, Dace Grīnberga, Ilze Grīnberga, Hele, Inese Jakobi, Vija Jansone, Diāna Janušone, Līva Kaprāle, Maruta[...]
Dec
16
Sai
13:00 Ivara Matisova lekceja par Latgo... @ Rēzeknis Muokslys noms
Ivara Matisova lekceja par Latgo... @ Rēzeknis Muokslys noms
Dec 16 @ 13:00 – 14:30
Ivars Matisovs stuosteis par Latgolys urbanonimim – regiona piļsātu īlu nūsaukumim i tūs izmaiņom laika gaitā. Urbanonimi atspīgeļoj piļsātu geografiskū vidi, viesturiskū montuojumu i ideologiskūs izsluoņojumus.   Ivars Matisovs ir ploša profila geografs, kurs ir[...]