Kolnasāta 2. janvarī

Kolnasāta 2. janvarī

2015. godā raidejumā “Kolnasāta” tyka runuots par Latgolys ekonomiku, atteisteibu, uzjiemiejdarbeibu, pošvaļdeibom, socialim vaicuojumim, medejim, izgleiteibu i kulturu. Leidza ar diskusejom par separatismu, Latgolys gluobšonys planu i pošvaļdeibu izleidzynuošonys fondu “Kolnasātā” gasteja cīši daudz interesantu i uzjiemeigu cylvāku. Raidejumā teik atsavārts iz sarunu ar ceļuotuojim Pīteri Pastaru i Ritu Patkovsku, kurī 5 mienešu laikā kuojom pīveice vaira par 42 000 kilometru, taipat var klauseitīs, kas beja sokoms latgalīšu stuostnīkam Andrim Čakānam, Olgai i Armīnam Glaudānim, kurī sovā saimē pījāmuši desmitim audžubārnu, teik ruodeiti spylgtuokī citati nu sarunys ar cīši aizrauteigū i reizem skorbū prīsteri Juri Zarānu, teik vaicuots, parkū Guna Egle i Andris Kažemāks nu piļsātys puorsacēle iz laukim, teik pīmynāts ari Aivara Grahoļska i Inārys Krustys stuosteitais par liduotuoju Jezupu Baško, nu nūslāgumā gabaleņš nu pyrmuos tīšraidis “Kolnasātys” raidejuma viesturē, kur tyka sprīsts, kaids ir lobs latgalīts.

Sovukuort Vuordineicā Arņs Slobožanins i Valentins Lukaševičs atguodoj kū cytu – spylgtuokuos Jaungoda sagaideišonys.

Raidejumu klausīs ite.

Print Friendly, PDF & Email