Izsludynuots “Dvinskas muzikantu” papyldkoncerts

Izsludynuots “Dvinskas muzikantu” papyldkoncerts

1918910_795081363935480_8609131598249975571_nGrupa “Dvinskas muzikanti” pasasoka sovim fanim i izsludynuoj debejis albuma “Dzymtuo puse” papyldkoncertu 30. janvarī 15.00 Rēzeknis Nacionalūs bīdreibu kulturys nomā “Joriks”.

Goda izskaņā muzykalajam projektam “Dvinskas muzikanti” tyka izdūts albums ar tituldzīsmis nūsaukumu – “Dzymtuo puse”, kai ari tyka izsludynuots vierīneigs albuma prezentacejis pasuokums Rēzeknē. Tai kai iz koncertu beleti jau izpuordūti, grupa izlāmuse izsludynuot papyldkoncertu.

Pasuokumā publikai tiks atruodeitys albumā īkļautuos dzīsmis: “Dzymtuo puse”, “Hej, bruoļ latgalīt” i cytys da šam nadzierdātys kompozicejis, kai ari solista Jura Ostrovska autordzīsmis, kai “Daugaveņa” i “Latgaleite” nu projekta “Patrioti.lg”.

Skateituojus prīcynuos ari Piļskaļnis videjuos paaudzis deju kolektivs ar kruošņajim deju prīšknasumim, nu tuo eipašī gosti byus ansamblis “Dobeles zemessargi” ar zalta hitim, kai “Ugunskurs”, “Māte Latvija”, “Esmu Latvietis” i cytim. Ar humoru i naatkuortojamom pozitivom emocejom pasuokumu vadeis rodūšuo apvīneiba “Termoss”.

Piec koncerta byus ari vareiba īsaguoduot jaunū albumu.

Beleti jau ir nūpierkami kulturys noma “Joriks” i Latgolys viestnīceibys GORS kasēs Rēzeknē, kai ari vysuos cytuos “Biļešu paradīzes” kasēs i škārsteiklā. Cena: suocūt nu 5 eiro.

Taipat grupa ari informej, ka ar dzīsmi “Hej, bruoļ latgalīt” ir tykuši Latvejis Šlageraptaujis goda finalā, kas nūtiks 2. julī Ventspilī i byus radzams LTV tīšraidē. “Dvinskas muzikanti” pasasoka par atbolstu vysim grupys draugim i fanim, kai ari Latvejis Šlageraptaujis veiduotuojim (personeigi Arvidam Babrim), Juoņam Paukštello par atbolsta vuordim tīšraidis laikā, videoklipa operatoram Aināram Blūzmanam, atpyutys vītys “Dzintari” eipašnīkim Andram i Siļvejai Razminovičim, Piļskaļnis VPDK darbinīkim i sorkonuo žyguļa eipašnīkam, Juoņam Baginskim i dzīsmis aranžātuojam Kasparam Makam.

Print Friendly, PDF & Email

Nūtikšonu kalendars

Aug
18
Cat
20:00 Ūgys koncerts @ "Kaņepes Kultūras centrs"
Ūgys koncerts @ "Kaņepes Kultūras centrs"
Aug 18 @ 20:00 – 22:00
“Kaņepes Kultūras centra” duorzā – Ūgys koncerts. Pi puļts DJ MARTIN BIRCH.   Ūga īvalk klauseituoju Rēzeknis hiphopa kulturys kusteibā. Tei ir īlu muzyka, mīlesteiba i vīnuoteiba storp ituos kulturys pīkūpiejim. Vīneiguo sīvīte, kura repoj[...]