Kolnasāta 9. janvarī

Kolnasāta 9. janvarī

Kai “īvuiceit” robotam runuot? Iz itū vaicuojumu atbiļdēs Anete Vagale. Jaunuo daugavpilīte ar izcileibu pabeiguse bakalaura studejis Reigys Tehniskuos universitatis programā “Intelektuālās robotizētās sistēmas”, zyna, kai īvuiceit robotam alfabetu, turpynoj studejis magistranturā, programmej automatizātuos stuovvītys, nūsadorboj ar saušonu i atrūn laiku ari padoncuot salsu. Ar Aneti teik runuots par tū, kai robotus padareit cylvākam draudzeiguokus, kuruos nūzarēs tī patīsai ir vajadzeigi i jau teik izmontuoti, kai ari, parkū cylvākim roboti nasaruod drūsi.
Par robotim kasdīnā Vuordineicā runoj Arņs Slobožanins i Valentins Lukaševičs, sovukuort Dace Dambe pietej, voi bārnuduorzi ir daīmami tik golvyspiļsātā, i vaicoj, kurs dasaver struodojūšūs vacuoku bārnus vītuos, kur bārnuduorza nimoz nav.

Raidejumu klausīs ite.

Print Friendly, PDF & Email