NEPLP izsludynoj konkursu par radejis raidejumu veiduošonu Latgolā

NEPLP izsludynoj konkursu par radejis raidejumu veiduošonu Latgolā

Nacionalūs elektroniskūs plošsazinis leidzekļu padūme (NEPLP) izsludynuojuse konkursu par raidejumu veiduošonu latvīšu volūdā Latgolys regionalajūs i vītejūs elektroniskajūs plošsazinis leidzekļūs 2016. godā.

Konkursa prīškmats ir kulturys i sabīdriski politisku radejis raidejumu (latviski/latgaliski) veiduošona Latgolys regionā.

Konkursa finansiejums ir 35 571 eiro. Sabīdryskais pasyutejums paradzāts regionalajim i vītejim elektroniskajim plošsazinis leidzeklim i producentu grupom Latgolys regionā.

Kai nūruodejuse NEPLP prīšksādātuoja Aija Dulevska, pīmynātais finansiejums ir puse no 71 000 eiro, kas pīškierti sabīdreibys salīdiešonys, nacionaluos identitatis i vaļsts volūdys pozicejis nūstyprynuošonys pasuokumu eistynuošonai Latgolā. Ūtrei finansiejuma puse byus paradzāta televizejis raidejumu veiduošonai Latgolā, kas tiks izsludynuots kai atsevišks konkurss nuokamajā NEPLP sēdē.

Saskaņā ar konkursa nūlykumu pretendentim dokumenti juoīsnādz da 20. janvara, tūs izviertiešona i lāmuma pījimšona nūtiks da 4. februara.

Konkursā aicynuoti pīsadaleit regionaluos i vītejuos radejis, kas atsarūn (juridiskais adress) Latgolys planavuošonys regionā, kai ari Latgolys kulturviesturiskajā teritorejā, i producenti voi producentu grupys, kas nūslāgušys vīnuošonūs par raidlaiku regionalajuos i vītejuos radejuos, kuruos atsarūn (juridiskais adress) Latgolys planavuošonys regionā, kai ari Latgolys kulturviesturiskajā teritorejā.

Print Friendly, PDF & Email

Nūtikšonu kalendars

Jun
8
Cat
19:00 Izruode “Mantojums” @ Dirty Deal teatro
Izruode “Mantojums” @ Dirty Deal teatro
Jun 8 @ 19:00 – 20:30
“Mantojums” baļsteits dzejneicys i dramaturgis Annys Belkovskys personeigajā stuostā par jū i juos tāvu, partū muokslineica gryb skateituojus iz izruodi aicynuot ar itaidu viesti: “Kod pyrma diveju godu kūpā ar Jāni i Viesturu suocem dorbu[...]
Jun
9
Pīk
all-day Sarunu festivals LAMPA @ Ciesis
Sarunu festivals LAMPA @ Ciesis
Jun 9 – Jun 10 all-day
Itymā nedeļgolā, 9. i 10. junī, Ciesīs nūtiks sarunu festivals LAMPA, kurā sarunu, diskuseju i cytu nūtikšonu vydā 10. junī Regionu skotivē nu 17.30 da 19.00 iz pasuokumu “Šudiņ vakareņuos “Latgolys zylūņs”!” aicynoj ari Latvejis[...]
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Jun 9 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]