Suprātkuos itūreiz ceps asuškys, stuosteis puosokys i minēs meiklis

Suprātkuos itūreiz ceps asuškys, stuosteis puosokys i minēs meiklis

17. janvarī 11.00 Kuorsovys nūvoda Malnovys cīma maizneicā “Dzīles” teik reikuotys suprātkys. Saimineica Aina kūpā ar suprātku apmaklātuojm gatavēs vīnu nu gorduokajim latgalīšu kulinaruo montuojuma iedīnim – asuškys.

Kai informej Kuorsovys nūvoda turisma organizatore Inga Bernāne, kulturys zeimis “Latviskais mantojums” nesieja maizneica “Dzīles” sovim gostim pīduovoj izzynuot vīnys nu Latgolys kulinaruo montuojuma ūdzeņom – asušku gataveišonys nūslāpumus i kūpā ar sovom mozajom atlasem i draugim baudeit skaistu svātdīni, mynūt latgalīšu meiklis i stuostūt puosokys.

Latgolys saimineicu meistareiba ir zynoma tuoli aiz Latgolys rūbeža, i itei spieja nu paaudzis paaudzē ir palykuse par Latgolys kulturviesturiskū montuojumu. Asuškys ir latvīša ausei napīrosts i svešuoks nūsaukums, tok tys viņ ir vārts, kab atbrauktu i izzynuotu, kū latgalīši ir āduši i kū lykuši goldā sovim gostim.

Daleibys moksa pīaugušajim ir 7 eiro, bārnim – bez moksys. Vaira informacejis i dasasaceišona, zvonūt 26538016 (Aina Barsukova).

Supratkas_afisa

Print Friendly, PDF & Email

Nūtikšonu kalendars

May
20
Pīk
19:00 Artura Skuteļa lelkoncerts “Jā” @ koncertzale "Palladium"
Artura Skuteļa lelkoncerts “Jā” @ koncertzale "Palladium"
May 20 @ 19:00 – 22:00
20. majā Reigā, koncertzalē “Palladium” nūtiks latvīšu hip-hopa muzika Artura Skuteļa lelkoncerts i jaunuo albuma “Jā” prezentaceja. Kai lelkoncerta eipašuo gaška ar sovu soloprogramu iz skotuvis kuops ari latgalīšu repere Ūga, kuruos 2020. godā izdūtais[...]