“Kapļi” pretendej iz Alternative.lv Goda bolvu

“Kapļi” pretendej iz Alternative.lv Goda bolvu

Paziņuoti Alternative.lv Goda bolvys nominanti, kuru vydā ir ari poetiskuo roka apvīneiba “Kapļi”, kuri pretendej vysuos 5 nominacejuos. Da 5. februara pastuov vareiba jūs atbaļsteit ari klauseituoju bolsuojumā.

Sevkurs bolsuošonys platformā var nūbolsuot par sovim favoritim vysuos pīcuos nominacejuos: Goda albums, Goda video, Zalta bumbīrs, Goda jaunuo grupa i Goda lobuokuo uzastuošona.

Goda albuma kategorejā nomināts “Kapļu” albums “Ašņa dasys”, goda video – “XXL”, goda lobuokuo uzastuošona – albuma prezentaceja Latgolys viestnīceibys GORS terasē. Taipat poetiskuo roka apvīneiba nomināta ari kai goda jaunuo grupa i kategorejā Zalta bumbīrs, kam teik izvierzeitys grupys, kas ir cīši, cīši alternativys puoruokajā pakuopē.

Ar bolsuojumu tiks nūskaidruots lobuokūs pīcinīks kotrā kategorejā, piec tam sovu redzīni izsaceis eipaši izveiduota žūreja, kas nūsaceis uzvarātuoju. Izjāmumi ir nominacejis Goda lobuokuo uzastuošona i Zalta bumbīrs, kur bolvys sajiemieju nūsaceis tik skateituoju bolsuojums.

Apbolvuošonys ceremoneja ar veikalu teikla “Spirits & Wine” atbolstu nūtiks 12. februarī Vacreigys klubā “Pūce, Klubs Naktī”, ogruokajuos “Pulkvedim Neviens Neraksta” telpuos. Itūgod eipašs uzsvors tiks lykts iz bolvu padūšonys svineigū daļu, ar eipašim akustiskajim prīšknasumim uzastuos grupys “S.I.L.S.” i “Laika Suns”, kai ari citys vītejuos grupys, kas tiks atkluotys piečuok.

Portals “Alternative.lv” darbeibu suocs 2000. godā, kod, pīaugūt Latvejis naatkareiguos muzykys kusteibai, tys palyka par informativu platformu hardcore/punk/ska scenai. Piec sliegšonys 2007. godā, tys ar jaunu sporu atsuoce darbeibu 2012. godā par vīnu nu kasgadejom tradicejom uzturūt goda bolvys padūšonu.

Print Friendly, PDF & Email

Kalenders

Apr
18
Cat
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]