Kolnasāta 23. janvarī

Kolnasāta 23. janvarī

“Kolnasātā” gastej “Ausmeņa Kebabs” vadeituojs Valters Murāns. Ideja par kebabu āstuvi Rēzeknē suocēs ar atsagrīsšonu nu Reigys, kur Valters, kam ir dizainera izgleiteiba, struoduoja arhitektu birojā. Roduos hiphopa apvīneiba “Ausmeņa Records”, i kūpā ar dūmubīdrim izsprīduši, ka Rēzeknē nav lobys kebabu āstuvis, dybynuoja “Ausmeņa Kebabs”. Niu tei ir ari vīta, kur nūteik “džema” vokori i uzastuoj zynomi muziki – “Ausmeņā” bejuse grupa “Voiceks Voiska”, Ansamblis “Manta”, repa izpiļdeituojs Edavārdi, poetiskuo roka apvīneiba “Kapļi”, dzīsminīks Kārlis Kazāks, repers Ansis, DJ Tuoms Grēviņš i cyti. Valters stuosta par tū, kai izadevs itū vītu padareit dzeiveigu i ar kū juosariekinoj, dybynojūt mozu uzjāmumu.

Par daudz leluokim uzjāmumim īrokstā stuosta Dace Dambe, jei izpietejuse, kurūs nūzaru Latgolys uzjāmumim vyslobuok veicās eksportā.

Sovu īsacejumu breivuo laika pavadeišonai raksturuos Vuordineicys eksperti, ituos nedelis vuords ir “slydys”.

Raidejumu klausīs ite.

Print Friendly, PDF & Email