Nu 3. februara trešdīnēs 19.30 LTV1 tiks ruodeits šovs “Īstās latvju saimnieces”, kurymā par golvonū bolvu – 1000 eiro nu lelveikalu teikla “Elvi” – sasaceņss septenis eistys saimineicys nu vysys Latvejis. Jūs vydā ari divejis latgalītis: Vija Kudiņa i Aina Barsukova.

Vija Kudiņa ir Aglyunys Maizis muzeja idejis autore i eistynuotuoja. Kompanejis dvēsele. Piec Latvejis Lauksaimisteibys akademejis Puortykys ryupnīceibys fakultatis beigšonys kai sabīdryskuos ādynuošonys iņženers–tehnologs struoduojuse par povori, konditori, maizis captuvis meistari, iedīņu gataveišonys pasnīdzieju orūdškolā. Niu Aglyunā voda sovu uzjāmumu ar maizis captuvi i veikalim. Vija muok taiseit senejūs latgalīšu iedīņus, kai ari interesejās i vuoc materialus par literati Naaizmērstuli.

Aina Barsukova ir cīši moderna Kuorsovys nūvoda Malnovys pogosta “Dzīļu” saimineica. Juos sāta sajāmuse sakūptuokuos sātys titulu. Aina sovā pogolmā reikoj omotnīku tierdzeņus, cap maizi i peirāgus i ir cīši pošpuorlīcynuota par sevi i Latgoli. Interesanti, ka paguojušajā vosorā suokuse reikuot ari braņčus — turistim cīši pateik, nu vītejī verūtīs ar aizdūmom. 2015. godā “Dzīles” sajēme Kulturys ministrejis apbolvuojumu — kulturys zeimi “Latviskais mantojums”.

Publicitatis karteņa