6. februarī Vabalis pogostā jau ostuotū godu nūtiks tradicionalais pasuokums “Aizgavienī cīmūs braucu”, informej Vabalis kulturys noma direktore Vija Pabērze.

Tī ir pādejī svātki pyrma leluo gavieņa, partū pyrma tuo juopaspiej izaprīcuot i kuorteigai paēst cyukys gali, mīžu pluociņus i veikt vysaidys tradicionaluos izdareibys. Aizgavieņam ir prīceigs raksturs, i tū svietej vairuokys dīnys, eimūt gostūs.

Partū nu 12 stuņžu Vabalē vysi teik aicynuoti iz tradicionaluom aizgavieņa aktivitatem pi gunkura (pogosta laukumā), kur naizpaliks cīnasts – mīžu pluocini, “mīta gaļa” i aromatiskais zuoļu čajs, sovukuort kulturys nomā byus apsaverama folklorys kūpu dalinīku veiduotuo izstuode “Lynu goldauts”. 13.00 nūtiks folklorys kūpu i etnografiskūs ansambļu koncerts.