Bolvūs nūtiks seminars “Dizains un amatniecība”

Bolvūs nūtiks seminars “Dizains un amatniecība”

19. februarī 10.00 – 16.00 Zīmeļlatgolys biznesa i turisma centrā (Vydzemis īla 2b, Bolvi) nūtiks seminars “Dizains un amatniecība”, iz kuru teik aicynuoti sātys ražuotuoji, omotnīki i uzjiemieji.

Seminara lektore byus Latvejis Muokslys akademejis Dizaina nūdalis doceņte Dr. Aija Freimane.

Seminara īvodā tiks runuots par dizaina i omotnīceibys mejīdarbeibu myusu dīnuos Latvejā i pasaulī. Piečuok ir paradzātys lekcejis par omotnīceibu kai prasmu, zynuošonu i tehniku puormontuošonu, dizainu kai laikmeteigu dūmuošonu i personaliziešonu, kai ari dizainu i omotnīceibu kai pamatu vītai i vaļstei rakstureigūs produktu radeišonā.

Seminara ūtrajā pusē paradzāta praktiskuo darbneica – produktu analize ar dizaina dūmuošonys pīlītuošonu, kai ari diskuseja.

Dasasaceit seminaram var škārsteiklā voi telefoniski (26461435) da 12. februara.

Seminars teik reikuots VKKF projekta “Nemateriālā kultūras mantojuma saglabāšana un attīstība Ziemeļlatgalē” ītvorūs.

Karteņa: momenti.lv (Dace Karuselis)

Print Friendly, PDF & Email

Nūtikšonu kalendars

May
28
Svā
all-day Latgolys pūdnīku dīnu 2023 izstuode @ Lūznovys muiža
Latgolys pūdnīku dīnu 2023 izstuode @ Lūznovys muiža
May 28 all-day
Izstuodē pīsadola Latgolys pūdnīceibys meistari ar pādejuo laikā taiseitajim keramikys traukim, byus apsaverama i kruošni glazātuo, i niansem boguotuo reducātuo keramika, i vyrpuoti i lepeiti trauki, i ari kasdīnā lītojamuo i dekorativuo keramika.   Lūznovys[...]