Itūnedeļ teik svieteits Bolvu muižys 250. jubilejs

Itūnedeļ teik svieteits Bolvu muižys 250. jubilejs

Da 13. februara Bolvūs teik svieteits muižys 250. jubilejs, kai ari piļsātys 88. dzimšonys dīna.

Svineibys suocēs jau svātdiņ ar atpyutys i sporta dīnu, nu itei nedeļa vaira veļteita kulturys nūtikšonom.

11. februarī 11.00 Bolvu Centralajā bibliotekā tiks atkluota Bolvu Muokslys školys rodūšuo kolektiva dorbu izstuode “Balts, vēl baltāks”, nu 15.00 Bolvu Nūvoda muzejā – tuo jauīgivumu izstuode “Ieskatīsimies muižas klētī un staļļos”.

Pošā Bolvu muižā jau nu 15.00 nūtiks meistardarbneicys “Radi prieku”, kam 19.00 sekuos pasuokums “Balvi, Bolva, Boloffsk, Bolwen, Bolovsk…” i koncerts “Op-E-Re-Te!”. Vokora izskaņā muižā paradzātys romaņtiskys šaļts sveču gaismā, muzyka i eipaši gataveitys vakarenis.

13. februarī 16.00 Bolvu kulturys i atpyutys centrā nūtiks Bolvu tautys muokslys kolektivu tematisks koncerts “Esam vajadzīgi Balviem”, kai ari piečuok – deju vokors ar grupu “Kreisais pagrieziens”.

Vysys nedelis garumā Bolvu Centralajā bibliotekā ir vareiba īsapazeit ar viesturiskom ziņom par Bolvim, kai ari veikt virtualu pastaigu pa īprīkšejuo godu symta gazetom. Dorba dīnuos nu 10 da 17 stuņžu Bolvu Sakraluos kulturys centrā apsaverama ari prāvesta – kūktieļnīka Ontona Rimoviča 150 godu jubileja izstuode.

bolvu muizai 250 2

Print Friendly, PDF & Email

Nūtikšonu kalendars

May
28
Svā
all-day Latgolys pūdnīku dīnu 2023 izstuode @ Lūznovys muiža
Latgolys pūdnīku dīnu 2023 izstuode @ Lūznovys muiža
May 28 all-day
Izstuodē pīsadola Latgolys pūdnīceibys meistari ar pādejuo laikā taiseitajim keramikys traukim, byus apsaverama i kruošni glazātuo, i niansem boguotuo reducātuo keramika, i vyrpuoti i lepeiti trauki, i ari kasdīnā lītojamuo i dekorativuo keramika.   Lūznovys[...]