Rodūšuo grupa aicynoj paleidzēt radeit latgalīšu viesturiskū eiskinu par Latgolys iņteligeņcis sanuoksmi Petrogradā 1917. goda 12. martā. Kinys centrā byus diveju redzīņu – Kempa i Trasuna sadursme, kas attāluota emocionalā dialogā.

11 – 13 minutu eisajā kinā tiks paruodāta Latgolys iņteligeņcis sanuoksme, kur, izmontojūt nūsaceitū varys vakuumu piec cara guosšonys Krīvejis imperejā, latgalīši lem par sovom nuokūtnis perspektivom, teikūt da lāmuma divejus mienešus piečuok sareikuot Rēzeknis 1917. goda viesturiskū apreļa kongresu.

Eiskina pyrmū reizi tiks ruodeita ituogods 26. aprelī – godu pyrma kongresa symtgadis svineibu. Ir dūmuots iz symtgadi paruodeit leidzeigu eiskinu par poša kongresa nūtikšonom.

Fiļmiešona dūmuota kaidā nu Latgolys muzeju, kur atrūnams 19. i 20. godu symta mejai rakstureigs interjers.

Kinys rodūšuo grupa: Andris Slišāns (finaņsis, tārpi), Arņs Slobožanins (koordinators i viesturiskais konsultants), Jurs Jonelis (režisors), Valentins Lukaševičs (scenārejs).

Kinys radeišonai naudu var zīduot:
Bīdreibai “Upītes jauniešu folkloras kopa”
Reg. nr. 50008155851
k.n. LV03PARX0016935700001
ar nūruodi “Zīdojums eisfilmas tapšonai”