Skryndu dzymtys muzejā atkluos izstuodi “Fotogrāfija – vēstures lieciniece”

Skryndu dzymtys muzejā atkluos izstuodi “Fotogrāfija – vēstures lieciniece”

26. februarī 14.00 Skryndu dzymtys muzejs ar Daugovpiļs nūvoda Kulturys puorvaļdis atbolstu i kūpā ar Juoņa Mendrika dzymtys puorstuovim aicynoj iz fotoizstuodis “Fotogrāfija – vēstures lieciniece” atkluošonu.

1927. goda 21. oktobrī kaidā vīnkuoršā Latgolys zemnīku saimē pīdzyma bārns, kurū dzymdynuotuoji nūsauce par Juoni. Mendriku saimē tys beja trešais dāls nu divpadsmit bārnu leluos saimis. Vysu sovu 71 godu garū myužu Juoņs nu dorba breivajā laikā lobpruot nūsadeve muzykai i akordeona spēlei. Padūmu varys laikā Juoņs kūpā ar sīvu Reginu suoce struoduot par kinomehanikim, itymā omotā nūstruodojūt 38 godus. Suokumā dorbs bejs gryuts, vysa aparatura iz Vabalis, Matrosovys, Leiksnys, Neicgaļa, Kolupa, Vuorkovys, Arendolis cīmu klubim beja juovodoj ar zyrgu – i tai vasalom nedeļom…

Bez kinomehanika profesejis Juoņam beja ari talants fotografēt. Sovuos malnboltajuos karteņuos Juoņs ir īmyužynuojs Vabalis pogosta ļauds, vysaidys nūtikšonys, gūdus i cytys kasdīnys ainenis ari sābru pogostūs. Verūtīs iz tūs ar 21. godu symta acim, ir gryuši atpazeit pogosta vītys – tik daudz kas ir mainejīs 60 godu laikā! Tok ituos kartenis ir i tuos līcynoj par Vabalis pogosta viesturi 50.- 60. godūs.

J.Mendrika foto

Print Friendly, PDF & Email

Nūtikšonu kalendars

Feb
4
Sai
vysu dīnu TLMS “Dzīpariņš” 45 darbeibys go... @ Latgolys Kulturviesturis muzejs
TLMS “Dzīpariņš” 45 darbeibys go... @ Latgolys Kulturviesturis muzejs
Feb 4 vysu dīnu
Jaunū izstuožu godu Latgolys Kulturviesturis muzejs īsuoc kūpā ar ilggadejū i vysod atsauceigū sadarbeibys partneri – Tautys lītiškuos muokslys studeju “Dzīpariņš”. Tei nūdybynuota jau 1978. godā i apvīnoj sevī vysaidu paaudžu rūkdarbneicys, kurys saista kūpeiga[...]