Latvejis vaļstī jau nu tuos dybynuošonys ir pastuoviejušys divejis volūdys – latvīšu literaruo i latgalīšu volūda aba, kai itūšaļt bīžuok tū sauc, latvīšu volūdys viesturiskais paveids. Padūmu laikā latgalīšu volūda vysai mierktīceigai tyka nūškierta nu oficialuos sazinis, tei pagaisa ari nu školu vuiceibu programu. Niu, 25 godus piec Latvejis naatkareibys atjaunuošonys, latgalīšu volūda otkon vys bīžuok pasaruoda publiskajā telpā – izkuortnēs, uzjāmumu nūsaukumūs, pasuokumu uzrunuos, dzīšmu tekstūs, vītvuordu apzeimiejumūs i ari plošsazinis leidzekļūs. Latgalīšu volūdys aktivī aizstuovi vys vaira rauga atrast vītu tai ari kasdīnys saziņā. Koč i vaļsts volūdys lykums niu nūsoka, ka vaļsts nūdrūsynoj latgalīšu rokstu volūdys kai viesturiska latvīšu volūdys paveida saglobuošonu, aizsardzeibu i atteisteibu, tok vys vēļ aktuals ir vaicuojums, voi oficiala saziņa latgalīšu volūdā ir īspiejama.

Raidejumā “Īstenības izteiksme” žurnaliste Renāte Lazdiņa skaidroj, kaids ir pamats itaidom diskusejom i voi, par pīmāru, dzeivuotuoji sovā pošvaļdeibā var dasagrīzt ar īsnāgumu latgalīšu rokstu volūdā i tamā sajimt ari atbiļdi.

Raidejumu klausīs ite.