Mārgu grupa “Piparmētra” izdūd debeja minialbumu “Slāpes”

Mārgu grupa “Piparmētra” izdūd debeja minialbumu “Slāpes”

Mārgu grupa “Piparmētra” nu Īlyukstis izdūd debeja minialbumu “Slāpes”.

Grupa “Piparmētra” dybynuota pyrma napylna goda, sasateikūt sešom pamatškoļneicom. Suokumā grupa spēlēja vysaidu Latvejis i pasauļa izpiļdeituoju kaverversejis, nu, kod atsakluoja, ka gondreiž vysom grupys mārgom ir rodūšys idejis, tyka nūsprīsts raudzeit radeit koč kū sovu. Grupā muzicej: Lonija Kakeševa (tausteni), Elza Timšāne (akustiskuo gitara), Amanda Lapa (elektriskuo gitara, bolss), Jana Dudare (bolss), Adelīna Olehnoviča (bass).

Jau rudinī grupa publicēja sovu pyrmū dzīsmi i tuos video “Priecāties par mazām lietām”, kurū vysai labi uzjēme klauseituoji, partū tyka nūsprīsts turpynuot dorbu. Niu tys nūsasliedzs ar debeja minialbumu, kurymā ir pīcys dzīsmis. Albums itūšaļt ir daīmams Youtube i Soundcloud, nu jau nu 26. marta tū varēs nūsaklauseit Spotify, Deezer, iTunes i cytūs muzykys straumiešonys servisūs.

Grupa aktivi pīsadola vysvysaidūs koncertūs i konkursūs. Februarī “Piparmētra” sajēme 1. pakuopis diplomu i īlyugumu iz finalu Reigā, pīsadolūt konkursa “No baroka līdz rokam” regionalajā atlasē Rēzeknē.

Albums īraksteits skaņu īrokstu studejā “Bozova”. Producēja: Arņs Slobožanins. Miksēja: Ugis Vilcāns. Albuma dizains: Sandra Poplavska/Aivars Bulis.

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
15:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 13 @ 15:00 – 17:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]