Nūsauktys J. Pīguožņa bolvys pretendentis

Nūsauktys J. Pīguožņa bolvys pretendentis

19. martā Reigys Sv. Pītera bazneicā nūtykušajā izstuodis “Jāzepa Pīgožņa balva Latvijas ainavu glezniecībā” atkluošonā nūsauktys treis bolvys pretendentis, informej Latvejis Radeja.

Bolvai itūgod izvierzeitys Vēsma Ušpele, Alise Mediņa i Silva Linarte. Bolvys sajiemiejis vuords tiks paziņuots Jezupa Pīguožņa dzimšonys dīnā, 15. septembrī, Preiļūs.

Izstuodis atkluošonā tyka nūsaukti ari vairuoki cyti bolvu sajiemieji. Žurejis bolvu sajēme Ansis Butnors, Reigys dūmis bolvu – Juoņs Streičs, nu Preiļu dūmis bolvu – Uldis Zuters. Taipat tyka apbolvuota paguojušuo goda skateituoju simpateja – muokslineica Kristīne Kvitka.

Jezupa Pīguožņa bolva Latvejis ainovu gleznīceibā tyka īdybynuota 2015. godā, kab gleznīceibā turpynuotu atteisteit i popularizēt Latvejis ainovu, kai ari vīnuotu Latvejis golvyspiļsātys i nūvodu kulturys procesus.