Preiļu nūvoda dūme i nūdybynuojums “Viduslatgales pārnovadu fonds” aicynoj ar zīduojumim atbaļsteit Preiļu piļs atjaunuošonu. 

Preiļu nūvods ir boguots ar kulturviesturiskajom vierteibom, i Preiļu viesturis montuojuma leluokais lapnums ir Preiļu muižys komplekss ar parku i pili – Latgolys 19. godu symta historisma laika muižu arhitekturys paraugu. Jau 1382. goda hronikuos Preili pīmynāti kai Borhu dzymtys eipašums.

Niu Preiļu piļs kūpā ar parka apbyuvi ir Vaļsts nūzeimis arhitekturys pīmineklis.

Pošvaļdeiba ir lāmuse par piļs atjaunuošonys dorbu suokšonu, ir pajimts kredits 492 853 eiro apmārā. Planavuots pīsaisteit finaņsiejumu ari nu Eiropys Regionaluo atteisteibys fonda (ERAF) projekta ar specifiskū atbolsta mierki, kas paradz saglobuot i aizsorguot nūzeimeigu kulturys i dobys montuojumu, kai ari atteisteit ar tū saisteitūs pakolpuojumus.

Preiļu piļs piec tuos atjaunuošonys paradzāta kai turisma objekts, kurymā byus vareiba sajust, sadzierdēt, izgaršuot grafu Borhu laika nūskaņu.

Rekviziti:

Viduslatgales pārnovadu fonds

Reg.Nr. 40008210954

Banka: AS SEB banka

Konta Nr.LV35UNLA0050021079970

Banka: AS Citadeles banka

Konta Nr. LV17PARX0016753060001