Īskicātys Latvejis symtgadis nūtikšonys Latgolā

Īskicātys Latvejis symtgadis nūtikšonys Latgolā

Latvijai 100 logo FILatvejis vaļsts symtgadis svineibys aizasuoks jau nuokušgod, 2017. godā, i nūsaslēgs 2021. godā. Svātku programa veiduota pīcu godu periodā, aptverūt golvonuos ar vaļsts izveidi i nūsastyprynuošonu saisteituos nūtikšonys, tymā skaitā 1917. godā Rēzeknē nūtykušū Latgolys kongresu.

30. martā Latvejis Nacionalajā bibliotekā Kulturys ministrejis reikuotā presis konfereņcē īpazeistynuoje ar planavuotajom iniciativom Latvejis vaļsts symtgadis svātku programys ītvorus, tymā skaitā par nūtikšonom Latgolā.

Pasuokuma laikā Rēzeknis Tehnologeju akademejis profesore Ilga Šuplinska uzsvēre latgalīšu lūmu Latvejis vaļsts veiduošonā. Ceļā iz Latgolys kongresa symtgadi itymā godā nūtiks Nikodema Rancāna izcyluokū Latgolys regiona pedagogu konkurss i 9. Latgalistikys konfereņce, kas veļteita sabīdriskuo darbinīka, publicista Franča Kepma 140 gadei.

Akcentejūt izgleitojūšū lūmu i jaunīšu leidzīsaistis svareigumu, tiks izveidota datorspiele „Īsapazeisim!”. Taipoš suokumškolys bārnim teik planavuots izgleitojūšs izdavums par Latgolu – „Gostūs pi Boņuka”, kas aktualizēs nūvodvuiceibys apgivi gon školuos, gon individuali, ruodūt latgaliskuo latviskuma cytuodeibu Latvejis viesturis i kulturys kontekstā.

Print Friendly, PDF & Email

Nūtikšonu kalendars

Jul
1
Pīk
20:00 Grupys “Reibums” koncerts @ "Fresh Terase"
Grupys “Reibums” koncerts @ "Fresh Terase"
Jul 1 @ 20:00 – 21:30
Grupa “Reibums” ir cālusēs Rāznys azara krostā Kaunatā Covid īrūbežuojumu laikā, kod vīneiguos izklaidis vareibys beja izklaidēt sevi pošim. Tok dalinīku saspēlis pyrmsuokumi meklejami jau lobu laiku īprīšk.   Grupa “Reibums” spielej vīnkuoršu, jautru dzeivū[...]