Izveiduots unikals škārsteikla materials par latvīšu volūdu i volūdnīceibu

Izveiduots unikals škārsteikla materials par latvīšu volūdu i volūdnīceibu

Piec Latvīšu volūdys agenturys (LVA) pasyutejuma 10 volūdnīki ir izveiduojuši Latvejā da šam nabejušu, breivi daīmamu interaktivu lītuotni “Latviešu valodniecības attīstība: informatīvi izglītojoša elektroniskā karte” aba “Lingvistiskā karte”, informej LVA projektu koordinatore Solvita Pošeiko.

“Lingvistiskā karte” ir vierteigs elektronisks vuiceibu paleigleidzeklis, kurymā latvīšu volūdnīceibys viesture ir izstuosteita hronologiskā, tematiskā i nūzaru, zamaškys nūzaru i personaleju aspektā. Te var atrast informaceju ari par byutyskuokajim lībīšu volūdys i latgalīšu volūdys viesturis i pietnīceibys faktim. Latgolys i latgalistikys škierkļu autore ir Rēzeknis Tehnologeju akademejis (RTA) profesore Ilga Šuplinska.

Materials lītuotnē ir izvītuots i pasauļa kartē i laika jūslā aktivizejamūs informativūs lūgūs, i izvārstūs škierkļūs, kurī ir papyldynuoti ar boguoteigu ilustrativū materialu (audio i video tekstim, attālim i volūdys pīmārim). Pīduovuoti ari 7 tematiski turisma maršruti Latvejā, tymā skaitā, Rēzeknis i Daugovpiļs turisma maršruti.

14. aprelī Rēzeknis Tehnologeju akademejā nūtiks kartis attaiseišonys svātki i sasatikšona ar tuos autorim. Pasuokuma nūslāgumā nūtiks ari RTA humanitarūs zynuotņu žurnala “Via Latgalica VII” prezentaceja.

“Lingvistiskā karte” apsaverama ite.

Print Friendly, PDF & Email

Kalenders

Apr
12
Pīk
19:00 Grupys “Galaktika” albuma prezen... @ Smiļtinis piļsātys kulturys centrs
Grupys “Galaktika” albuma prezen... @ Smiļtinis piļsātys kulturys centrs
Apr 12 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]