Rēzeknis Centraluo biblioteka izsludynoj konkursu školānim “Alisis konspekts”

Rēzeknis Centraluo biblioteka izsludynoj konkursu školānim “Alisis konspekts”

Biblioteku nedeļā Rēzeknis Centraluo biblioteka izsludynoj konkursu “Alisis konspekts” (konkurss ilgs da 14. oktobra), aicynojūt aktivi īsasaisteit latgaliski tulkuotuos Luisa Kerola gruomotys “Alise Breinumu zemē” kūpeigā (puor)skaiteišonā.

Konkursā aicynuoti pīsadaleit sevkura vacuma školāni, kurim ir gribiešona (puor)skaiteit pīmynātū gruomotu. Var pīsadaleit individuali voi komandā.

Mierkis: veicynuot skaiteitprasmi i iņteresi par gruomotom, popularizēt latgalīšu volūdu kai unikalu Latgolys ideņtitatis atspulgu Latvejis kulturys i volūdys kontekstā.

Aizdavums: skaiti gruomotu, piec kotrys puorskaiteituos nūdalis izpyldi nūsacejumus spēlei “Konspekts”” (verīs 19. puslopā). “Konspektu” vālams izpiļdeit par kotru puorskaiteitū nūdaļu (taidys ir 12).

Dori tai: izpyldi spēlis nūsacejumus, nūruodi vuordu, pavuordi voi komandys nūsaukumu, školu i klasi voi ari iņterešu izgleiteibys īstuodi, atsyuti konspektu bibliotekai iz e-posta adresi rezcb@rezeknesbiblioteka.lv ar nūruodi “Alisis konspekts” voi īnes bibliotekā (Atbreivuošonys alejā 81, 3. stuovā). Vaicuojumu gadīnī zvaneit 64622061.

Nūslāgumā aktivuokī konspektu autori sajims pīminis bolvys.

Bibliotekā kūpeigi skaitejumi nūtiks:
21. aprelī 16.00 (Biblioteku nedeļa),
9. majā 16.00 (Eiropys dīna),
8. septembrī 16.00 (Storptautyskuo skaiteit i raksteitprasmis dīna),
21. septembrī 16.00 (Pasauļa mīra dīna),
14. oktobrī 16.00 (Latvejis dasavīnuošonys dīna UNESCO (1991)).

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
15:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 13 @ 15:00 – 17:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]