Latgolys tematiskais cīms – Tierga cīms – 24. aprelī nu 11.00 aicynoj iz sātys omotnīku tiergu i vālajom brūkaškom Malnovys “Dzīļu” maizneicā, informej Kuorsovys nūvoda turisma organizatore Inga Bernāne.  

Tierga cīma saimineica Aina Barsukova vālajuos brūkaškuos goldā ceļ iedīņus, kas na tik atbylst kotra sātys omotnīku tierga tematikai, nu ari puorsteidz ar naatkuortojamū latgalīšu vyrtuvis mejīdarbeibu ar myusu dīnu garšys niansem.

Sātys ražuotuoji nu tyvejuos apleicīnis kotrai godskuortai par gūdu vad pošu sātā ražuotus gordumus, pošu rūkom taiseitys skaistumlītys i ceļ gaismā sovus omotus i prasmis, sovukuort, kab pasuokumam dadūtu ari jastruoku nūti Saļņovys Muzykantu cīma dalinīki tierga gostus prīcynoj ar skaneigom i ļusteigom latgalīšu dzīsmem.

Tierga cīms atsarūn sūpluok stuostim apveitajai Malnovys muižai i ir oaze kasdīnys steigā, kur lauku lobumu īsapierkšonys prīcu var apvīnuot ar nasteidzeigu svātdīnis vālūs brūkašku baudeišonu.

Piec Saulis kalendera Jurgu aba Jura dīna īzeimieja vydspunktu storp pavasara saulgrīžim – Leldīni – i vosorys saulgrīžim – Juonim, kod tyka aizsuokti voi vysi zemnīku pavasara dorbi.

Vaira informacejis par pasuokuma nūrisi i Tierga cīmu var izzynuot pi saimineicys Ainys Barsukovys (t. 26 538 016).