Svātdiņ, 24. aprelī, ar vierīneigu pasuokumu Daugovpiļs Marka Rotko muokslys centrys svieteis sovu trešū dzimšonys dīnu. Vysu dīnu nu 11.00 da 17.00 nūtiks eipaša akceja, kuruos ītvorūs varēs apsavērt vysys muokslys centra izstuodis, zīdojūt puors ūtenis muokslys centra darbneicom i meistarklasem. Nūslādzūt treis darbeibys godu cyklu, muokslys centrā tiks atkluota jaunu Marka Rotko originaldorbu ekspoziceja, kai ari svātku pasuokuma laikā tiks atkluotys sešys jaunys izstuodis, kurymuos byus apsaverami latvīšu i uorvaļstu muokslinīku dorbi.

Nu 24. apreļa muokslys centrā byus apsaveramys sešys jaunys izstuodis:

• Barbara Gaile “Debesis”
• Baņuta Ancāne “Portreti”
• Olga Rēla “Balto liliju sapnis”
• “Mārtiņš Buclers – 150”
• Storptautyskuo fotografejis simpozeja izstuode
• Latgolys muokslys izstuode “Untitled”.

Pasuokuma kulminaceja nūtiks 14.00, kod muokslys centra pogolmā nūtiks svineiga Marka Rotko muokslys centra 3. dzimšonys dīnys izstuožu sezonys atkluošona. Apmaklātuoji varēs baudeit naparostu performaņci i muzykys prīšknasumu. Piec izstuožu atkluošonys pasuokuma apmaklātuoji varēs nūbaudeit “Valmiermuižas” sagataveitū puorsteigumu i Rotko centra saryupātū eipašū mīlastu.