Preiļūs nūtiks lekceju cyklys par tautystārpu
22. i 28. aprelī Preiļu nūvoda KC Mozajā zalā nūtiks lekceju cykls ar Īvu Pīguozni par tautystārpu.
Īva Pīguozne ir latvīšu apgierba viesturis pietneica, voda lekcejis Latvejis Kulturys akademejā i struodoj Latvejis Viesturis institutā. Jau daudzus godus jei nūsadorboj ar viesturis rekonstrukceju i latvīšu daņčim, poša gatavej sovus tautystārpus.
1.lekceja 22. aprelī 17.00 byus par senejuo apgierbu Latvejā. Kaids beja dzeļža laikmata i agrūs vydslaiku apgierbs Latvejā? Abave, rūtys. Senejuo apgierba komplektiešona, gataveišona, bīžuokuos klaidys i kai nu tūs izavaireit.
2. lekceja 28. aprelī 17.00 veļteita puorejai nu senejuo apgierba iz etnografiskū apgierbu. Kas vyspuor ir tautystārps? Mūdis ītekme i variacejis īspiejis tautystārpā.
