Latvejis Banka īplanavuojuse 2017. godā izlaist Latgolys latvīšu kongresam veļteitu kolekcejis monetu, informej bankys presis sekretars Juoņs Silakalns.

Cytugod paīs 100 godu, kai 1917. goda pavasarī Rēzeknē nūtyka Latgolys latvīšu puorstuovu sanuoksme, kurymā tyka nūsprīsts, ka Latgolys, Vydzemis i Kūrzemis latvīši ir vīna tauta un Latgolai juoapsavīnoj ar puorejim tūpūšuos Latvejis vaļsts nūvodim vīnā zemē.

Pīmynūt itū nūtikšonu, Latvejis Banka planavoj izlaist kolekcejis monetu.

Centraluo banka reikoj slāgtu konkursu par monetys dizaina izstruodi, kurymā pīsadola Aigars Bikše, Mateiss Kalniņš, Gundega Rancāne, Henrihs Vorkals, Juoņs Borgs i Norberts Kudiņš.

Kolekcejis monetys ir muokslys dorbi, i tuos ir numismatu i cytu interesentu eipaši pīpraseitys. Kolekcejis monetu nominalvierteiba ir atškireiga nu apgrūzeibys monetu nominalvierteibys, par pīmāru, pīci voi desmit eiro. Kolekcejis monetu specifikaceja (kruosa, diametrs, svors, materials) byutiskai atsaškir nu apgrūzeibys monetu raksturlelumu.

Karteņa: pixabay.com