Sezonu suocs Raiņa muzejs “Jasmuiža”

Sezonu suocs Raiņa muzejs “Jasmuiža”

Raiņa muzejs Juosmuiža 29. aprelī suoce 53. sezonu. Itamā dīnā muzejā nūtyka vysaidys aktivitatis. Par tuom i cytim muzeja ituos sezonys planim stuosta Raiņa i Aspazejis muzeja vadeituojis vītineica Solvita Brūvere.

Iz vizuali plastiskuos muokslys dorbu konkursa “Suns un kaķe” nūslāguma apbolvuošonys pasuokumu beja īsaroduši konkursa laureati i dalinīki. Muzeja vadeituoja i žurejis puorstuovi apbolvuoja i sveice konkursa laureatus, kai ari tyka atkluota konkursa dorbu izstuode, kurei byus apsaverama da pošu sezonys beigu 31. oktobrī.

Itamā dīnā Juosmuižā beja ari īsarads Valmīrys dramys teatris ar izruodi “Bērns vārdā Rainis”, kurū nūsavēre vaira par 150 bārnu ar školuotuojim, vacuokim i vacvacuokim. Paļdis Vaļsts kulturkapitala fondam par vareibu Latgolys jaunuokajai paaudzei pīduovuot profesionala teatra izruodi!

Itamā sezonā Juosmuižā planavuotys vysaidys aktivitatis. 14. majā muzejs pīsadola Lauku Ceļuotuoja akcejā “Atvērtās dienas laukos” i pīduovuo iztaiseit sovu voska sveci. 21. majā Muzeju nakts ītvorūs byus apsaverama Rudzātu teatra kūpys “Okūts” komedeja “Kaimiņu būšana”. Augustā nūtiks keramikys cepļa kūršona i attaiseišona, kai ari “Latgales tradicionālās kultūras un amatu svētki Jasmuižā” (VKKF i Latvejis vaļsts mežu atbaļsteituo Latgolys kulturys programa). Septembrī nūtiks tradicionalūs Dzejis dīnu pasuokumi. Taipat muzejs itamā sezonā pīduovoj ekspozicejis “Jaunais Rainis” i “Latgales keramika”, kai ari izstuodis “Suns un kaķe”, “Četri stūri – Latgales amatu pamati”, “Raiņa dzejas rotaļas”, vairuokys muzejpedagogiskuos programys vysaidu vacumu apmaklātuojim, eipašū ekskurseju jaunlauluotajim i jūs gostim, kai ari vysaidys citys vareibys breineigi pavadeit laiku Jašys upis krostūs.

Pasasokūt Kulturys ministrejai, itūgod muzeja keramikys ekspozicejā tiks izveiduots interaktivs multimedeju stends, kur apmaklātuojim byus vareiba izzynuot informaceju par Latgolys keramikim, jūs taiseitajim dorbim, keramikys trauku formom, nūsavērt video par muola prīškmatu vyrpuošonu, A. Burova animacejis kinu “Ragainais māls”, kai ari izspielēt vysaidys interaktivys izgleitojūšys spēlis.

Itamā sezonā muzejs pīduovoj vairuokus jaunumus. Apmaklātuojim byus vareiba nūsavērt kinu “Rainis. Aspazija. Laikarits”, kai ari tiks pīduovuoti planšetdatori ar informativū gidu.

Print Friendly, PDF & Email

Nūtikšonu kalendars

Nov
7
Sai
16:00 Catūrtais pasauļa diktats latgal... @ Vyss pasauļs
Catūrtais pasauļa diktats latgal... @ Vyss pasauļs
Nov 7 @ 16:00
Catūrtais pasauļa diktats latgalīšu rokstu volūdā @ Vyss pasauļs
Diktats skanēs 7. novembrī 16 stuņdēs jaunīšu raidejumā “Pīci breinumi” vysuos Latvejis Radejis 5 frekveņcēs, tū varēs klauseitīs ari škārsteikla platformuos pieci.lv i lsm.lv, kai ari Latvejis Radejis Latgolys studejis i portala lakuga.lv kontūs socialajūs[...]