Turpynojās Pītera Martinsona jubileja goda nūtikšonys

Turpynojās Pītera Martinsona jubileja goda nūtikšonys

Daugovpiļs Marka Rotko muokslys centrys turpynoj Pītera Martinsona 85. dzimšonys dīnys pīminiešonys pasuokumus ar muokslys nūtikšonu vērtini muokslinīka dzymtajā piļsātā Daugovpilī, kai ari cytur Latvejā.

Tyvojūtīs Pīterdīnai, kurei ari itūgod sūlejās byut pīsuotynuota ar interesantim keramikys pasuokumim, veļteitim izcylajam Latvejis keramikam, nu 16. juņa da 10. septembra Daugovpiļs Marka Rotko muokslys centrys sadarbeibā ar vīsneicu “Park Hotel Latgola” organizej muokslinīka tušys zeimiejumu izstuodi “Pēteris Martinsons. Zīmējumi porcelānam”. Izstuode byus apsaverama vīsneicys vestibilā, Daugovpiļs gostim i daugavpilīšim stuostūt par izcylom muokslys vierteibom, kurūs aizsuokums vaicojams Daugovpilī.

Izstuodē byus eksponāti P. Martinsona zeimiejumi iz papeira, kurī bīži viņ nu naskaitamu skiču nūsasluoņoj tik iz keramikys formu. Izstuodē apsaveramī dorbi radeiti laikā nu 1980. da 2009. goda. Tušys zeimiejuma tehnikā radeitī smolkī, pat kaligrafiskī dorbi beja keramika kasdīnys i vairuoku keramikys izstuožu naatjamama sastuovdaļa. Formatūs dažaidī zeimiejumi reizem beja kai skicis, kas puorsavērte ar apbreinuojamu ryupeibu i pacīteibu veiduotajūs keramikys dorbūs, kai atseviški gleiti īrāmāti muokslys dorbi voi vīnkuoršys pīzeimis, dūmu liduojums, sajiutu atspīgeļuojums iz nalelu pīzeimu lapeņu voi nu teksta breivu papeira laukumu.

Izstuode “Pēteris Martinsons. Zīmējumi porcelānam” aizsuoc I Storptautyskuos Latvejis keramikys biennalis programu, kas kai jauna Rotko centra īdybynuota muokslys forma runuos par keramikys muokslys nūzeimi Latvejā i pasaulī. Storptautyskuos keramikys biennalis izstuode “Martinsona balva” tiks atkluota Rotko centrā 2016. goda 15. julī. Biennalis programā ir 9. Storptautyskuo zynuotniskuo konfereņce “Cilvēks. Krāsa. Daba. Mūzika” (17. – 19. juļs), pasuokumi Lūznovys muižys telpuos nu 17. juļa, pīduovojūt īprīkšejūs storptautyskūs keramikys muokslys simpozeju dorbu izstuodi.

Nu 20. da 22. juļa boguoteiga biennalis pasuokumu programa nūtiks Reigā ar centralū nūtikšonu Latvejis Nacionalajā bibliotekā, padūdūt biennalis bolvys i atkluojūt Pītera Martinsona izstuodi nu Daugovpiļs Marka Rotko muokslys centra i Latvejis Nacionaluos bibliotekys kolekcejis.

peteris lv_06-09-2016

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]